LAWMDINGNAK HMUN

Key ; E
Beat: CountryPop,
Tempo: 152


1. Tuah mi le thatnak ngei lo a kan dawtu dawtnak in
Kan phu lo in ka fa hniang a kan ti
Tuu fate nunnak cauk chungah kan min a tial i
Amah nun hrawm pi in vancung mi kan si.

Lawm dinhnak hmun ti va ral ahcun
Mi thiang mi hna nuam in an leng tti ee
Kan thlarau zong a leng ve
Paradise hmun nuam ah cun
Lei ah um hmanh ning hi lei mi kan si lo.

2. Kan duh thim mi lam tluan ah hnagam daihnak a um lo
Ngeih chin, duh chin, diriam ti a um lo
Vanrang tang Vawlei thil ah thlarau ca ro thil um lo
Bawipa sin in chuah mi bia lawng hnangamnak.

3. Thil ti khawhnak kan cung i cawlcang tawnmi van lei thil
Vawlei mi hna nih an theih thiam lo ee
Kan ti khawhmi a um lo Amah thawnnak lawng rinh in
Teinak puanrang kan zar lai hi Vawlei ah.









1
JESUH DAWTNAK

Key ; G
Beat: CountryPop
Tempo: 152


1. Vawlei hi harsat tahnak lawngah kan ruah ahcun
Hmai lei kan nunnak caah lung dong in kan um lai
Harnak khat te lei ral ah Jesuh dawtnak thawng in
Misual nang le kei caah luat nak sui khua a um.

Aw … Jesuh dawt nak ka thinlung chungah
Aw … Jesuh Khamnak ka thlarau caah
Aw … Jesuh thihnak kei luatnak a si
Aw … Jesuh in tuarnak hna cu kei ca lawmnah a si.

2. Vawlei pumsaduh sualnak cu kal tak cang u sih
Thlarau sual thurhnawmhnak nih kan temton ti hlah seh
Pathian dawtnak thawngtha cu chungkharah chunzaan in
Mei ceu le lungvar bangin kan nun ah ceu cang seh.

3. Jesuh a thihnak Vailam kei ca Van lam a si
Jesuh an tuknak hmavual kei ca damnak a si
Jesuh thisen a luangmi kei sual thiannak a si
Jesuh ca hling luchin cu kei sui luchin a si.










2
VANCUNG MEMBER KAN SI

Key ; G
Beat: CountryPop
Tempo: 140

1. Van caanan ram panh in, Thlarau hruaimi kan si
Abraham, Moses he van holh kan hmang cang lai
Minung i tial chom mi lei member si lo in
Pathian thinlung chungah thisen tial kan si cang.

Vancung member kan si, Van nun ngeitu kan si ee
Ham cia mi mo ka si Khrih he um ti dingin
Nunnak cauk chungah min tial mi vialte cu
Pathian thinlung chungah member tling kan si cang.

2. Kan Bawipa Jesuh nih ka ra zau lai a ti
A mi thiang hlawr dingin chum cung in a ra lai
Cu ni kan phak tikah a van mi thiang hna he
Thangthat zaihla sa in Bawi Khrih he kan leng lai.

3. Abraham a Pathian cu ka Pathian a si
Sual man thihnak thong chung um mi ka si lio ah
Jesuh Khrih kan tlang Bawi thisen thawinak thawngin
Mi luat fa ka si cang cu biatak in ka nung.

4. Jesuh cu kan damnak le ka nunak a si
Ka lungrei theih caan ah hnemtu Bawipa a si
Hmuh khawh mi lei ram ah tling lo sihmanhninglaw
Hmuh bal lo vanram ah tlin tertu Bawi ka ngai.






3
FAPA KHRIH AH

Key ; C
Beat: 9-8 Waltz
Tempo: 135


1. A dawtnak in a kan kawltu
Zangfahnak in a kan khamhtu
Velngeihnak in a kan cawitu
Khuaruah a har ka chim thiam lo
Hi tluk tiangin a kan dawt tu
An chim Vanram hmanh ah an um lai lo.

A lu cung i hling lukhuh le
An tuknak vual le hma ah cun
Damter in kan um cang Hallelujah
Lei le van holh in a za lo
Kan cung Pathian a kan dawtnak
Fapa Jesuh Khrih ah co tu kan si.

2. Mifim pawl mualpho ter ding le
Mirum hna ning zahter awkah
Santlai lo rual a kan au tu
Khuaruah a har chim thiam a har
Dawtnak vialte cung i dawtnak
A zaangfahnak cu kan nunnak a si.

3. Kan sualnak le palh nak bangin
Kan cungah leh rulh siang lo in
Mitha bang a kan kilvengtu
Ni fatin kan herh mi vialte
Sianglo ngeilo a kan petu
Bawipa a tha a tha sunglawi chin seh.


4
KHUARUAHHAR DAWTNAK KA CHUNGAH

Key ; G
Beat: CountryPop
Tempo: 140

( Maw khuaruahhar duh dawtnak ka chungah )
1. Misual bik ka si lio ah a mah raltu ka si lio ah
A thisen in a ka cawk a ka cawisan
Ka phawrh rit cu a zang ka lung lawmhnak ni bang a tlang
Maw khuaruahhar duh dawtnak ka chungah.

[Maw khuaruahhar duh dawtnak ] x2
Kalvary tlang in a luang Hallelujah Praise the Lord
Hi lunglawmnak biatak kan teinak hla kan sa lai
Maw khuaruahhar duh dawtnak ka chungah.

2. Ka sualnak cu tam hmanhseh
A zaangfahnak a tam chinchin
Ka thinluung in theih mi nak in a tam deuh
Hi bia hi a thlum bik khuai hliti nak in thlum deuh
Nitin in ka chungah a thlum chin chin.

3. Ka ruah channak fek chinchin
Ka lunglawmnak sang chinchin
Jesuh thatnak nih ni tin in a ka zelh
Hi bia ka theih hnu cun zumhnak he ka co hnu cun
Ka lung chungah lunglawmnak a khat chin chin.

4. Pathian min thang chin chin seh
Pathian ram kau chinchin seh
Vancung lunglawmnak mi kip sin ah phan seh
Hi khuaruahhar lawmnak hi teinak hla sung bik cu
Vawlei mi vialte sinah karh chin seh.


5
LIANNGANNAK KA HMUH CANG

Key ; A
Beat: CountryPop
Tempo: 125

1. Khamtu ding ho ka ngei lo
Mitthli he ka um lio ah
Ka mitthli a ka hnawh piak
A tang cungah a ka pom cang.

Lianngamnak ka hmuh cang i
Pathian fa ka si caah
Lawmnak bia chim lo a dang
Leibaa dang ka ngei ti lo.

2. Zawtnak nih a ka tem i
Zohkhen tu zong ka ngei lo
Tho cang law na dam cang ee
A ka ti i ka dam cang.

3. A tu ka thin a phang ti lo
Ngaihthiam tu pa ka ngei cang
Thinak chungin ka luat cang
Jesuh nih a ka khamh cang.

4. Thinphannak ka ngei ti lo
Teitu Bawipa ka ngei cang
Thihnak nih ka naih hmanhseh
Jesuh thawng in ka tei cang.






6
KHAMHNAK THAWNGTHA

Key ; G
Beat: CountryPop
Tempo: 140

1. Hi vawlei cung caan nih a liam chin ee
Pathian dawtnak thei lo an tam
Chim cawk lo mi Jesuh dawtnak thawngtha
Phuangtu dingah Bawipa nih an herh ko.

Khamhnak thawngtha cu ka aupi chin lai
Fing le tlangkip cul ve cang seh
Unau hoidawt nang na kal lai lo maw
Zangfahnak caan sungbik a liam sual lai.

2. Vawlei mi nih harnak an pek hna lai
Sihmanhsehlaw va tih hlah u
Caan dong tiang nan sin ka um lai a ti
Bawipa na kut chungah kan nih kan um.

3. Bawipa lo chung facang an hmin dih cang
Facang tuan tu ding an tlawm ee
Na chawva le na ngeih na hlawn thil cu
Hun chuah ve law rian cu kan lim zau lai.











7
KHUAKHANTU BAWI

Key ; G
Beat: 9-8 Waltz
Tempo: 140

1. Bawipa Jesuh leicung a len lio ah
Rethei mi le sifak hna nih an panh
An zawtnak a dam ter an herh bau mi a pek
Hallelujah Bawipa a sunglawi ee.

Sifak hna i Pathian, mihrut hna i Pathian
Dam lo hna i Pathian Lung dong hna i Pathian
Misual hna kan Pathian a sunglawi khuaruahhar
A min ah cun fimchim tu Bawi an ti.

2. A zaw mi hna nih Siibawi an herh bang
Thlarau thinlung taksa zawmi hna nih
Kan i herh lei le van dawh ter tu Bawi Jesuh
A zum mi hna damnak tling a kan pek.

3. Dirhmun sang hna tangah a thumh hna i
Mi nauta hna an dir hmun a san ter
Lei i mi lianngan le sunglawi hna thim lo in
Santlai lo hna a vel in a ka thim.

4. Lungrethei le vansang hna lunglawm uh
Kan zawn a ruat tu Pathian nung kan ngei
A dawtnak zangfahnak caah a hmun zungzal
Sifakmi hna thisen in a kan auh.






8
BAWIPA SINAH LAWMHNAK KA CHIM LAI

Key ; G
Beat: CountryPop
Tempo: 142

1. Bawipa sinah lawmhnak ka chim lai
Tuufa cauk chung ka min a tial cang
A lo kho lo a rawk bal lo ding
Kut hmape in a tial piak cang.

Bawipa sinah lawmhnak ka chim lai
Thangthat raithawinak kan pek Bawipa
Lunglawmh thawinak he na sin ka ra
Sangbik Bawipa ka lung a lawm.

2. Tiva kam ah Tuufa thahmi bang
Ei le din hni le puan inn le lo
Nifate in hman ding chaw le va
A ka petu Bawipa a si.

3. Bawipa velngeihnak ka thangthat lai
Dawp ding thli man lo in a pek ruangah
Ni le thlapa, din awk ti thianghlim
A lak tein a ka hmanter.











9
I MER THAN TUAH

Key ; Ab
Beat: CountryPop
Tempo: 142

1. Pathian ram le dinnak, Pathian bia le duhnak
Biaktak tein ruah u sih
Vawlei thilri hna le bia dangdang hna nakin
Na kawl hmasa ahcun cu thil hna he an pek chap ko lai.

I mer than tuah U le nau
A mah Pathian bia ruat ti hna u sih
A hmai kawl u sih
Thil man har i kan lung retheihnak
Jesuh teinak chungah a a tiral dih lai
Van dapti hna a luang cang lai.

2. A bia chung paih i thlarau chung kan ciah i
A bia khan lungtlin ahcun
Kan lungthlitum a theih, kan herhbaunak a theih
A mah bochan ahcun kan ruahmi nain pek a duh deuh.

3. Harnak a tlun tikah lungretheihnak a tlung
Rawlttam ti hal tuar tikah
Pathian hmai zoh u sih, Pathian hmai kawl u sih
Minung bochan nakin Bawipa Jesuh bochan a tha deuh.

4. Kan tthatlonak hmun in lungthin toidornak he
Kan Bawipa sin kir u sih
Kan lungthin bungh dihin kan sualnak phuang u sih
Cu tic un ram thluachuah a pek lai i a kan damter lai.




10
KHRIH TI LO CUN

Key ; G
Beat: 9-8 Waltz
Tempo: 140

1. Leicung harnak le buainak nih
Nitin ka cungah rian a tuan
Siseh ka fa dawt tih hlah mu
Vawlei cu ka tei cang a ti.

Khrih ti lo cu leicungah hin
Hmai hngalh pi awk tlak ka ngei lo ee
A ka dawtu Bawi si ruangah
Lei mi nih hrut ka ti ko seh ka zei poi lo
Ka phuang chin lai na dawt nak kong.

2. Lei ah retheih cu tong hmanh ning
Kai lawm theu lai Bawipa ruangah
A cung sannak Van sui khua in
Philh in a um lai lei ram hi.

3. Lei mi soisel cu tong hman ning
Lei mi nih ka doh hmanhhnaseh
An ka tei lo ka tih hna lo
Bawipa ka lei a tan hnu cun.

4. Lei mi nih an theih thiam lo ee
Bawipa dawtnak a thuk zia hi
Theih hna sehlaw an doh hnga lo
Ka pa an sualnak ngaihthiam hna.





11
KAN RAM NIH BAWIPA A HERH

Key ; G
Beat: CountryPop
Tempo: 140


1. Kan ram nih Bawipa an herh kan nunnak nih nang an herh
Kan ram damnak bia thiang cu thlarau in phuang law
Aw thang, aw nem in an chim mi kip nih an theihthiam lo
Kan ram nih Bawipa an herh saduhthah a si.

Thiangthlarau in kan thang law a lianngan Bawipa
Na mi hna na kan Khamhnak a tu hngalh hna seh
Kan ram ca saduhthah in mitthli he kan tap tawn ee
Kan ram hi philh hrimhrim hlah Bawipa nang an herh.

2. Tiva zong kan tan dih cang fing le tlang kan lonh dih cang
Na thlahmi keneh kan zulh na kong kan ceih tawn
Theih bu in an hngilh tak cang hngalh bu in an thih pi cang
Kan ram nih Bawipa an herh saduhthah a si.

3. Dongthiam lo na bia phuangin rawl tam ti hal hmanhsehlaw
Kal chin a nuam khun kan ti Bawipa nang he cun
Hi hlei dawtnak dang um maw na mi hna nih an hngalh lo
Kan ram nih Bawipa an herh saduhthah na si.









12
VAN LE LEI SERTU PATHIAN

Key ; G
Beat: CountryPop
Tempo: 152

1. Van le lei sertu Pathian, ni le thla sertu Pathian
Kan nunnak a sersiamtu ka Pathian
Fur can ah rawl na khohter nitlang le ruah na ka pek
Na lianngannak ka thangthant ka Pathian.

Maw Bawipa ka lung aa lawm
Nifatin na ka lawmhter
Ka nun chung na min kan thangthat ko lai
Tingtang he kan thangthat lai
Lamnak he kan thangthat lai
Hallelujah na min thang chin ko seh.

2. Nihin ah keimah caah caantha sunglawi na ka pek
Bawipa sin lunglawmhnak ka phuang chin lai
Lunglawmhnak raithawinak in Bawipa ka thangthat chin lai
Ka thawnnak in Amah ka thangtha lai.

3. A caan ah ei awk ngei lo, a caan ah hnipuan ngei lo
Sihmanhseh Bawipa thatnak ka thangthat
Van i a zuang mi va le ram lak daidim par hna nih
Nitin ka nunnak thazaang an ka pek.









13
KARMEL TLANG AH TEINAK

Key ; G
Beat: CountryPop
Tempo: 142


1. Karemel tlang ahPathian teinak ka hmuh khawhnak hnga
A ra mi hna Bawipa nih thluachuah pe seh
Elijah bang Pathian teinak kan hmuh khawhnak hnga
Karmel tlangah Bawipa nih thluachuah pe seh.

Sa u ! Hallelujah hla sa u
Karmel Pathian mi hna an teinak
Sangbik Bawipa teinak ruangah
Nangmah na lawmh ahcun
Lawm u! Hallelu-Hallelujah.

2. Thlarau thanhnak mei bangin alhter than tuah Bawipa
Maw Thiangthlarau hi hmun in nang kan i hngak
Kan nih caah khuaruahharnak le na lianngannak
Kan hmuhter tuah na thluachuahnak kan in hngak.

3. Bawipa caah kuttlaih buin riantuan tti u sih
Na tuan khawh zat Bawipa nih thluachuah pe seh
Elijah bang Pathian teinak kan hmuh khawh nak hnga
Bawipa ram kauhnak dingin tuan cio u sih.








14
THISEN THANGTHATNAK HLA

Key ; E
Beat: CountryPop
Tempo: 142

1. Pathian fa Jesuh Khrih ka ngeih ka zum hnu cun
Pathian fa sinak cu ka co
Sehtan fa si hnu Pathian fa ka si cang
Kei caah thihnak tuartu Van Bawi Khrih ruangah.

Pathian fa ka si hnu Bawipa ka thangthat lai
Leicung mi nih theih pi lo hmanh ah
Vanmi hmanh sak khawh lo thisen thangthatnak hla
Thih hnu sui khuapi chung tiang cu hla ka sak lai.

2. Chiatserh mi keimah hi thing in khenh ding ka si
Vailamtah misual thihnak hmun
Siseh Bawi Jesuh ka ai chiatser tuar in
Kei ca’h i chiatser Jesuh thih tuar thing cross ah.

3. Ka sualnak tam hmanhseh a mah ka zumh hnu cun
A thi in ka sual a thenh cang
Ka tuahmi um lo a mah zangfak nak in
A thlet mi thi in misual mi fel ka si cang.

4. Zangfah nak zumnak in Pathian fa ka si cang
Ka umnak ding a umnak hmun
Leicung mi hna nih an theih lo khuaruahhar
A zungzal Bawipa thangthatnak hla dawh ka ngei.






15
BAWIPA AA BOCHANMI

Key ; A
Beat: 9-8 Waltz
Tempo: 140

1. Bawipa aa bochan mi vialte cu
Zion tlang bantuk kan si dih lai
Zion tlang hninh khawh lo thial khawh lo
Bantuk kan si lai Hallelujah.

Tlang hna khi ka hei cuan hna i
Bawmhnak khua zei in dah ka hmuh lai ka ti
Bawmhnak cu Bawipa sin in a ra lai
Van le Vawlei sertu Bawi sin in.

2. Ngeimi thil zong zeihmanh ka ngei lo
Ngei lomi zong zeihmanh ka ngei lo
Bawi Jesuh Khrih chung ka um hnu cun
Ka herh mi vialte ka ngeih dih cang.

3. Bawipa Jesuh nih hi tin a chim
Ka tuu nih cun ka aw an theih i
Kei zong nih an aw ka theih a ti
Bawipa theih kan si, Hallelujah.

4. Mithi khua ah khin va um hmanh ning
A tangah Bawipa a rak um ko
A sannak Van ah kai hmanh ning law
A cung zongah Bawipa cu a um.

5. Kan dornak petu kan lungpi le
Thluachuahnak kan hmuhmi vialte hi
Jesuh nih keimah ka si a ti
Kan hrampi cu Jesuh Khrih a si.

16
THISEN SUNG
Key ; G
Beat: CountryPop
Tempo: 130

1. Tiva pakhat a um nunnak ti nung
Pathian khua thianghlim Zion ah a luang i
Lei le Van ral i a cang cia mi
Remnak Jubilee a kan tuah piak
Eden thar ah a kan hruai ee.

Hallelujah ( thisen ) 2
Zungzal ca’h Van in a kan pek cang
Kan ca raithawinak a herh ti lo
A zumtu vialte kan len tti in
(Thisen)2 thisen sung ti in
Zungzal kan sa lai Van inn ah.

2. A Khamh cia fa hna nih hla dawh kan ngei
Israel hna innka cung in tuu thisen
Faroh ralkap hna an pil dih i
Rili ral khat lei ah a kan hruai
Mi luat kan si thisen thawngin.

3. Kan Zion hlapi cu mah hi a si
(Thisen )2 thisen sung Khamhtu thisen
Kan ral Setan thawnnak a tei i
Zangfahnak thutdan hmai ah a kan hruai
Sal luatnak darkhing an tum ee.







17
PHEN TU LUNGPI

Key ; G
Beat: CountryPop
Tempo: 132

1. Leicung nun hmangthiam si dingin
Lei cungah hnangamnak cu kawl in
Kalvary tlanglei ka cuan i
Khamhtu Jesuh nih kan cawk cang a ka ti.

Chun le zan in sualnak thli nih
Ka zelh hmanhseh
Ka thlarau ngeitu Jesuh a si
Khuachia sual le thihnak thlichia cu
Hrang hmanhseh
Phentu lungpi Jesuh ka ngeih cang.

2. Nun zia thiam lo mi sihmanh ning
Jesuh nih ka nunnak a sersiam
A tu cu kei ka si ti lo
Ka lennak zong hi lei si lo Van ah.

3. Lei cung tahnak ah tling lo in
Sual i ruah zong va sihmanh ning law
Pathian i fa Jesuh ruangah
Tling ka si cu cu ka ca a za ko.









18
AW …. A VA NUAM EE

Key ; F
Beat: CountryPop
Tempo: 142

1. A zumtu vialte zungzal nunnak co awk ah
Bawipa nih a tuar cang vailamtah cungah
A zum i pomtu nih zungzal nunnak an ngei
Aw… a va nuam ee, Bawipa he nun cu.

(Aw… a va nuam ee)2
Hnangamnak ka ngei, lunglawmnak ka ngei
Leicung nuamnak he cun tahchunh ngam a si lo
Aw… a va nuam ee, Bawipa he nun cu.

1. Midang zong an pupa ro a si ve hlei lo
Chungkhar tling te’n an ngei, nuam in an leng tti
Nitin an nunnak ah Vanram nun an tep cang
Aw… a va nuam ee, Bawipa he nun cu.

2. Hi lei cung sualnak nih ka kulh dih hmanhsehlaw
Bawipa a ka tei piak lunglawmh hla ka sa
Hi lei cung sualnak nih hna a ka hnawh ti lo.
Aw… a va nuam ee, Bawipa he nun cu.


3. Lei cungah ngaktah le sifak te si hmanh ning
Mit in hmu kho lo mi lunglawmhnak ka ngei
Hi lei cung rumnak ah lawmhnak a tling kho lo
Aw… a va nuam ee, Bawipa he nun cu.





19
NA BIA CHUNGLAWNGAH KAA NUAM

Key ; F
Beat: CountryPop
Tempo: 142

1. ( Na bia chung lawngah kaa nuam )2
Na bia chung lawngah ruahchannak ka ngei
Mit khua a hmuh ter thinlung a nuamh ter
Na bia chungah Bawipa run ka thlah tuah.

Na bia cu lam hmuhsak mei ceu a si,Hallelujah!
Ka kal nak ding lamthluan kha a ceu ter
Na thil ti khawhnak ka hmuh khawhnak hnga
Na bia chungah Bawipa run ka thlah tuah.

2. Minung hna i nunnak cu Ti le Rawl lawng a si lo
Pathian bia cu biatak nunnak a si
An theih khawh nak hnga Manna in a cawm
Thetse rawn ah Bawipa nih bia a chim.

3. ( Bawipa a bochan vialte)2
Zan kan i hngilh lio ah a kan zoh khenh
Naa hlau tik zongah a rak in chawnh lai
Na um tu ziaza zong an cawnpiak lai.











20
LUNGTE CU AU HLAH SEH

Key ; F
Beat: CountryPop
Tempo: 135

1. Unau na can sunglawi Bawipa nih hman a duh
Na thazang thawnnak le na fimthiamnak pek in
Leicung sunparnak hi muih nih a khuh hlan ah
Rau lo in Bawipa cu panh cang tuah.

Nunnak bia hi velngeihnak caan a liam hlan ah
Na nunnak le na thlacamnak le
Na ngeichiah pek nak in tuan awk ah fial na si
Tih hlah amah nih an kal pi lai.

2. Bawipa nih a riantuan tu dingah nang an auh
“A ram le a dinhnak kawl hmasa” tuah a ti
Na inn lo herh mi cu amah kut ah pe tuah
A riantuantu mualpho an um lo.

3. Thawngtha bia theih tu nih an phung duh lo ah cun
Lungte zong an au lai Bawi Jesuh nih a ti
Lungte cu au hlah seh na tlanhmi an si lo
Kei ka um Bawipa ti ve cang tuah.











21
PATHIAN DAWTNAK SUNG

Key ; G
Beat: Country 2-4
Tempo: 115

1. Pathian dawtnak sung ka chim thiam lo
Sualnak rili chung i pil cang hnu
A ka kawl than a dawtnak sungin
A ka hmuh cang Kalvary Cross ah.

Ngeihchun fapa pek mi na si cang
Maw ka nunnak Bawipa cu thangthat
Leicung na nunnak ni liam hlan ah
Cu dawtnak sung cu va philh hrim hlah.

2. Cu dawtnak sung cu kawl in a si
Fapa Jesuh Khrih in a kan kawl
Ka zam, ka zam , ka zam lan kho lo
A ka hmuh cang Kalvary Cross ah.

3. Cu dawtnak sungcu tuar in a si
Retheihnak phunkip cu tuar buin
Harnak thihnak tuar nak in a si
Misual mitlau keimah Khamhnak ah











22
DONGHIN NGEI LO DAWTNAK

Key; F
Beat: CountryPop
Tempo: 130

1. Kapa sin in ka zam hnu ka ngeihmi hlawn thil a dih
Fapa tlaupa lamthluanah dawtu ngei ti lo in
Hmanhseh kapa mithli cu hul ni ngei lo in a luang
A dawtnak in a kan hngak a tang nuam i kir dingin.

( Duh dawtnak )2 cung Pathian i duh dawtnak
Ramri a ngei lo, thuk in a san zia hi
Rilipinak in a thuk, Vannak in a sang chin ee
Nun chungin ka au pi lai dongh ni ngei lo a dawtnak .

2. Profet hna nih an rak chim dong kho lo mi a dawtnak
Lamkaltu zong nih an phuan a cheu hmanh an chim kho lo
Ca chungah tial cawk lo le kaa in chimh khawh cawk lo mi
Cung Pathian i duh dawtnak kan thlarau taksa damnak.

3. A dinnak zong ka phu lo, a fimnak ka ruah kho lo
A thawnnak cu khuaruahhar, rumnak in a khat Pathian
Dawt awk tlak lo a kan dawt zaangfah tlak lo a zangfah
Ka dawt mi ka fa hniang tiah a kan a uh, Hallelujah

4. Minung nih mi rum mitha chungkhar unau kan dawt hna
Sihmanhseh cung Pathian nih a mah ral kha a kan dawt
Fapa ngeihchun a kan pek van nunnak cu co dingin
Zeihmanhnnih a then kho lo a dawtnak chungah kan um.






23
BAWIPA HE UM TII A NUAM

Key ; G
Beat: CountryPop
Tempo: 130

1. Bwipa he um tti a nuam Bawipa he kal tti a nuam
Bawipa he thut tti a nuam Bawipa he it tii a nuam
A mah he um tti ah cun ngeihchiat vangsang um ti lo
A mah he cun zeizong a tling Bawipa he um cu a nuam.

A mah tel lo ah cun Vawlei hi zeihmanh lo
Ngeihchiat vansannak in a khat
Lawmnak zeihmanh um kho lo
Siseh a mah he um ah cun Vawlei hi Van ram a si
Bawipa he um tti cu a nuam Hallelujah …. Amen.

2. Hoi dawt Unau, Nu le pa Jesuh he um tti lo cun
Ngeihchiatnak Vawlei chim lo kan tum Vanram hmanhah khin
Nuam le lawmnak tling hnga lo Chung sivang in kan um hnga
Jesuh he cun Hell ram hman ah kan i lawmnak a tling ko lai.

3. Jesuh lo cun Vawlei hi lawmhnak a tling kho hrim lo
Inn tha lo tha sui le ngun dawtmi pum cheunak a si
Ngeihchiatnak le Lungretheihnak petu lawngte an si
Jesuh he um tti lawng a nuam Jesuh he um tti u sih.









24
KHAMH HNANGAMNAK NA NGEI CANG MAW

Key ; F
Beat: 9-8 Waltz
Tempo: 77


1. Hi Vawlei tah aihramnak le buainak hi,
Ni khat khat cu kan kal tak te lai hoi dawt,
Na nunnak ni bang liam ruang mangte tikah
Khuazei lam dah na phanh lai nai fiang cang maw?

Na caan sunglawi a lakin liamter hin hlah
Caantha na ngeihmi hi Bawipa caah hmang
A caan suimilam cheu hmanh kan uk kho lo
Caantha na ngeih lio ah Bawipa panh ve cang.

2. Dawt tu sin in tlau cia mi hoidawt vialte
Na sual leibaa Jesuh nih an cham piak cang
Vailam cungin dawtnak thisen a luanter,
A thisen in kan sualnak a tawl dih cang.

3. Hoidawt na nunnak bochan awk a tlak lo
Thur bang kuai in ni bang liam riang mang te lai
Thih hnu thlan pin nunnak kong na ruat bal maw,
Nai fiangmaw khamh hna ngamnak na ngei cang maw.

4. Dawttu nu nih fa dawt tlau, a kawl tikah
Thinlung kuai tah aihram mitthli he a kawl
Jesuh Khrih nih misual tlau cia mi vialte
Dawtnak thisen le nunnak in a kan kawl.





25
PETER THANGHTERTU AR

Key ; F
Beat: 9-8 Waltz
Tempo: 77

1. Maw Kapa na Bible thiang nih thlarau ngei lo mi cu
Pathian fa an si lai lo ti in na ti
Kan ram le kan miphun ningin cu thlarau cu kan herh
Penticost ni thlarau thianghlim kan pe ko.

Maw Jerusalem zaan tim khuamawt in
A khuang i Peter thangtu Ar aw
Kam ram ah hung khuang than ko law
Thlarau thangnak kan pe
Kan ram nih thlarau thianghlim nang an herh ko.

2. Kaana khua Nupi thitnak ah khuaruahhar na langhter
Santlai lo ti kha mitsur zuu ah na siam
Santlai lo mi hna nunnak hi khuaruahhar in kan thleng
A thlum mi thlarau mitsur zuu si dingin.

3. Rul cuk hma tuar in dam lo mi, Israel miphun dihlak
An damnak Moses dar rul aw kan ram ah
Satan cuk hma in dam lo mi nunnak damnak caah
A thar in hung dir than law kan dam ter ko.










26
ZEIDAH KA EI LAI

Key ; G
Beat: CountryPop
Tempo: 135

1. Zeidah ka ei lai i, zeidah ka din lai i
Tiin na nunnak dingah ruahhar hlah
Zeidah kaa hruk lai i, zeidah kaa fenh lai i
Tiin na taksa caah ruahhar hlah.

Eidinnak in nunnak a biapi deuh
Thilpuannak in taksa a biapi lo maw
Cung i a zuangmi va te khi zoh hmanh
Rawl an tuan lo
Zumhnak tlawm hna nanpa nih a cawm khi.

2. Nannih cu an nih nakin nan sung deuh lo maw
Zingtin par dawh than zia khi vun ruat hmanh
Rian zong an tuan lo i, La zong an kherh lo i
Solomon sunparnak nakin a dawh deuh.

3. Zingtin par hmanh cu tlukin a sunglawih ahcun
Pangpar nakin nan sunglawi deuh lo maw
A pennak le a dinhnak kawl hmasa u law
Thildang vialte an pek chap ko hna lai.










27
MIPHUNPI THANGCHONAK

Key ; E
Beat: Power Ballad
Tempo: 62

1. Miphunpi thangchonak ah, Pakhat fim lawng in a zaa lo
Pahninh fim zongin a zaa lo, Kan dihlak in kan fim a herh
Kan rampi thangchonak ah Pakhat zuam lawngin a zaa lo
Pahninh zuam lawngin a zaa lo, Kan dihkak in kan zuam a herh.

Kan semnak kan Lairam dawhte hi,
Hitin maw kan zoh sawh lai, Zing Daw Par
Cin Iang Tin Tlai Fam, par ve cang seh tiah ka duh ee
A ho pa maw kan rinh theu rih lai
Pasal cio pei kan si cu
Lai Pasal na bia tung let law,
Kaam lo chuncha bang kan dir lai.

2. Kan pengpi thangchonak ah, Pakhat tuan lawng in a zaa lo
Pahinh tuan lawngin a zaa lo, Kan dihlak in kan tuan a herh
Kan Khrihfa thangchonak ah Pastor hna lawngin a zaa lo
Upa hna lawngin a zaa lo, Kan dihlak in kan tuan a herh.

3. Vawleipi thangchonak ah, ramkhat lawngin a zaa lo
Ram hnin tuan lawngin a zaa lo, ram dihlak in kan tuan herh.









28
JEHOVAH JIREH

Key; G
Beat: CountryPop
Tempo: 135

1. Jesuh nih a zul tu hna sinah daihnak
Hnangamnak kan pek hna
Lungrethei le vangsang au in um ti hlah u
Pathian fapa Jesuh zum u law
Nan herh mi vialte an pek lai
Kan nunnak ah khuakhangtu Jehovah Jireh.

Jehovah Shamma kan sinah um
Jehovah Shalom kan hnangamnak
Jehovah Jireh nih khua a khan
Jehovah Saboth in kan tei cang
Hallelujah… a min lianngan chin ko seh.

2. Zumtu vialte bia a kan kamh
Nan herh mi vialte kan pek lai
Nan zum ahcun Pathian sungparnak nan hmuh lai
Zumnak in thlacam mi vialte cu
Khuaruahhar thil lianngan kan hmuh
Kan nunnak ah khuakhangtu Jehovah Jireh.

3. Abraham nih Pathian bia bang
Issak Raithawinak a tuah tikah
Jehova Jireh a sinah a langhter i
Tuufa no te raithawinak caah
A sunparnak a langhter bang
Kan nunnak ah khuakhangtu Jehovah Jireh.




29
JESUH KAN LEI A TAN AH CUN

Key ; G
Beat: CountryPop
Tempo: 135

1. Hi vawlei sual mui chungah dohral lianpi tam hmanh seh
Ka tih lai lo Bawipa he ka kal ahcun
Kalvary Vailam cungin Vawlei ka tei cang a ti.
Kei ka kal lai ka thawnnak le ka thazaang cu
Bawipa Jesuh a si.

Khrih ralkhap hna tho u law kan tuan lai.
Kan ram vialte Bawipa ram a si hlan tiang.
Teinak thawngtha kan aupi lai
Kan nunnak a dongh hlan tiang
Jesuh kan lei a tan ahcun
Khat lei ah hodah a dir ngam lai.

2. Bawipa mi phun Israel mi cu raldoh in an um lio caan ah
An thazaangin Goliah ral an tei kho lo
Sihmanhseh an nih lei ah Bawipa a tanh ve tikah
Ngakchia te David nihcun Bawipa min in Goliah ral cu a tei.

3. Bawipa nih a miphun caah, Gideon kha a auh tikah
Fimnak thiamnak zeihmanh ka ngei lo a ti
Hmanseh Bawipa thawnnak he, Gideon nih ral kha a tei
Cu bangin nang le kei zong Bawipa min in teitu cu kan si ve.






30
ZUMTU MI NIH KAN CUAN

Key ; G
Beat: CountryPop
Tempo: 142

1. Zumtu mi nih kan cuan mitthlam in Van Jerusalem
Kan kal lio ah harsatnak tam ko hmanhseh
Ngaichiatnak zong tam hmanseh
Soiselnak zong tong u sih
A poi lo Bawi Khrih ca ka tuar ko lai.

Kan kal lai Bawikhrih ca’h
Halellujah Van Bawi thangthat hla sa in
Lei ah retheih ngaihchiat kan mitthli vialte hna zong hi
Van sui khua ah lunglawmhnak an cang te lai.

2. Kaa lawmnak bik cu Jesuh ka hnangamnak zong Jesuh
Toidornak in vailamtah cungah a thi
Kei mi sual a ka dawt ca’h
Ka Bawipa thisen a luang
Khamhtu kalnak tlanh cia mi nih zulh u sih.

3. Zumtu mi lennak ram nuam sui inn dawh kan tlun tikah
Tuufa thangthatnak hla thar dawh kan sa lai
Ngaihchiat mitthli tlak nak le ti hal rawltam um lai lo
Zungzal hla remh dawhin kan thangthat cang lai.









31
A SUAL MI CAAH

Key ; F
Beat: CountryPop
Tempo: 142

1. A sual mi caah harnak cu tuar in
Nunnak tiang liamin a ka dawt tu cu
A theih rih lo mi an theih khawhnak hnga
Ka phuang lai Bawipa ka thiam tawk chuah in.

Ka phang lo Bawipa ka lam har hmanhseh
A herh ahcun ka nunnak liam tiang
Thawntertu bawmtu Thiangthlarau ka herh
Na bia in Bawipa hung ka thangh ter ko.

2. Rammui ram car ah na min theih lo in
Kan ram kan tlangah kaa lawngin zumtu
Nun tel lo zumnak Sehtan lei tang in
Kan tam chin Bawipa run kan thang ter ko.

3. Sehtan ram nawr in Bawipa ram dirh ding
Zumhnak pa raltha Joseph, Daniel bang
Bawipa nih an auh a mah zulh dingin
Nang na pe lai maw Bawipa duhnak ah.

4. Bawipa sal thahnem lo unau nang le kei
Harnak ngaihchiat le tihnung lak hmanh ah
Ka thi le thih ti in mah Vailam put in
Bawipa ram caah nunnak pek a cul cang.






32
THLARAU AR A KHUANG

Key ; G
Beat: CountryPop
Tempo: 135

1. Peter nih Bawipa a hlawt lio ah khan
Jerusalem Ar a hung khuang ee
Peter cu ngaihchiat lung kuai in a tap
Hung ka thangter law thlarau thianghlim in.

Hung ka thanghter ko law lo tlau fahniang
Ka nun nih Bawipa nang an ngai ee
Peter thangter tu Jerusalem Ar
Hung khuang than ko law thlarau thianghlim in.

2. Mi tampi Leicung hakkauhnak ruangah
Bawipa a hlawttu mi kan tam ee
Retheih fahniang zong thangter tu dingah
Jerusalem Ar hung khuang than ko law.

3. Lei cungah chimtu theihtu an tam nain
Kaa lawngin zumtu mi kan tam ee
Zumh ngam in biatak kan ngeih ding ahcun
Thlarau thianghlim Ar hung khuang than ko law.











33
VAILAM TAH CUNG

Key ; G
Beat: CountryPop
Tempo: 142

1. Vailamtah cung in Khrih thisen a luang
A sung tuk a kan dawtnak ruahah
Sual man thi dingmi nunthar ah kan nung
Jesuh nih a kan dawt tuk ruang ah.

A lianngan a dawtnak cham kho lo
Nunnak pek zongin a rul kho lo
Hmurkaa in kal in chimh thiam lo
Hmanh ning law
Thlazaa cam in kan caan pe u sih.

2. Ka lawmhnak bik le ka hnangamnak cu
Vawlei chaw le va ah si lo in
Khrih ka zumh ka hngalh a dawtnak thawngin
Kei kaa lawmnak sangbik cu a si.

3. Maw unau nupa hawikom dawt mi hna
Thawngtha bia chimh thiam lo hman u sih
Thlaza cam nak le thangthatnak hla in
Bawi Khrih ca’h kan nunnak pe u sih.










34
KA CA A SUNG

Key ; G
Beat: CountryPop
Tempo: 125

1. Maw Vailam kei ca’h na sung tuk ee
Velngeihnak Jesuh Khrih Vailamtah
Ka ca lairelnak le khuakhannak
Hnangamnak lawmhnak kei ca’h nunnak.

Vawlei ah hnangamnak a um lo
Ngaihchiatnak chung lawng hi ai zel tawn
Sual muihnak thong in ka um lio ah
Vailam in kei ca’h thisen a luang.

2. Ka thi ding ca’h nang na thi Bawipa
Ka sualnak vialte cu khenh chih in
Vailam put in kei thilrit chawngtu
Rethei mi a kan dawt tu Bawipa.

3. Vawlei ah harnak nih a ka kulh
Hnangamnak khoi ah an um ka ti
Ka auhnak aw Bawipa nih theih i
Ka fa dawt ka sin ah ra a ti.











35
KA FA DAWT NA RA CANG MAW

Key ; G
Beat: CountryPop
Tempo: 135


1. Sual in caan saupi ka rak vakvai
Hnangamnak dingah ka rak ruah sual
Hnangamnak um lo hi Vawlei ah
Zungzal hnangamnak ka kawl leng mang.

Ka fa dawt na ra cang maw a ti
Aw nem in kik zilthli bang a hrang
Thinlungah man cia a dam ter cang
Zungzal hnangamnak Jesuh ka ngei.

2. Fing le tlang sang kip ka vun cuan in
Ka Bawi Jesuh muithlam lawng a cuang
Ka mit hmuh mi le ka hna theih zong
Ka Bawi Jesuh aw thlam lawng a leng.

3. Maw ka hoikom dawtmi u le nau
Na mit hmuh mi le na hna theih zong
Hi vawlei sualnak si mi vialte
Hlawt in Jesuh Khrih panh ve cang tuah.

4. Sual muinak chung in ka um lio ah
Ka ruah ah thin dawmh in ka tap tawn
Bawi Jesuh Khrih he ka um hnu cun
Hnangam lunglawmhnak in ka khat than.





36
MI ZENG MI HNA AN KAL

Key ; G
Beat: CountryPop
Tempo: 125

1. Ngaihmanh uh U le nau hoikom dawt nu le pa hna
Kan caah a thi mi Bawi Jesuh nih
A thisen in an kawl aw nem tein an auh ko
Na panh ve lai lo maw U le nau hna.

Mizeng mi hna an kal i mitcaw mi hna khua an hmu
Dam lo mi nih an dam i hnangamnak cu an ngei cio
Misual mi hna sual ngaichih in ka sin ra u a ti
Kalvary Vailam cungin thisen in a kan hngak ko.

2. Maw Vailam ngaihthiamnak thisen sung cu sual thiannak
Thawhthannak nih nunnak cu a kan pek i
Thlarau in mi sual mi a tu ah a kan kawh i
Pathian dawtnak thlarau cu a au zungzal.

3. Thinlung a kekkuai i a man cia lungdam ter tu
Bawi Jesuh Khrih kan ngei kan van ngeih hi
Khrih dawtnak hngalh lo mi nan ca zangfah ngai a si
Na caan tha a um lio ah ruat ve than tuah.











37
ALFA LE OMECA

Key; A
Beat: 9-8 Waltz
Tempo: 130

1. Abraham bang zumh fek mi si le
Peter bang lung thawngmi kan si ter tuah
David bang toidor mi le ai lawm zungzal mi
Paul bang phungchim thiamnak
Kan pe ko ka Bawipa.

Alfa le Omeca a hramthawk le dongnak
Zong ai thleng bal lo mi
Bawi Jesuh Khrih na si
Na thim cia mi Pupa hna kehneh cu zulh in
Na thlarau thianghlim in
Kan hruai ko Bawi Jesuh.

2. Moses nih Israel mi a hruai hna
Bawipa nih chum le ceu in a hmuhsak
Cu lam hruainak zoh in Kanaan ram lei an panh
Cawhnuk le khuaitizuu luannak ram cu zoh in.

3. Maw ka hoikom dawtmi u le nau hna
Abraham Pathian Moses hruaitu
A tu kan nih sinah thiangthlarau in aa langh
Cu lam hruainak zohin panh cio u sih hoidawt.








38
MI THLUACHUAH KAN SI

Key; G
Beat: CountryPop
Tempo: 125

1. Pathian nih Profect Joel kaa hmangin
Ni hmanung ni ah mivialte cungah
Ka thlarau ka toih hna lai tiah a chim
Pathian biakam thlarau co tu kan si.

Lunglawmhnak thlarau rem daihnak thlarau
Thawnnak le thil ti khawhnak thiangthlarau
Fimnak le rumnak thiangthlarau kan ngei
Mi thluachuah kan si ee Hallelujah.

2. Sifah le a hrutmi kan si zongah
A poi lo zumhnak thlarau kan ngeih cun
Mi fim le ca thiam hna an hngalh lo mi
Van lei biathli biatak ngeitu kan si.

3. Kan mah lawngin kan um kan kal zongah
Ning tih le lileng zong kan ngei ti lo
Thlarau nih nau bantukin a kan um
A nuam tuk ee thlarau nih a kan hruai.











39
BAWIPA A THA , BAWIPA A LIAN

Key; G
Beat: CountryPop
Tempo: 152

1. Bawipa a tha Bawipa a lian
Vansan caan ah a kan bawmh
Amah sinah a dawr mi hna
Amah nih him te in an ven.

Kan thangthat maw, Bawipa kan thangthat
Nathawn lianhnak khuaruahhar
Thuk in a sang, khuaruahhar dawtnak
Kan dawrnak lungpi Jesuh.

2. Lungthin kekkuai bei dongmi hna
Nuhmei ngaktah sifah hna
Leidip lakin a kan cawisang tu
Jesuh dawtnak lawng a si.

3. Thiangthlarau mit a kan auter
Dawtnak kut in a kan hruai
Nan ka auh cun kan leh hna lai
Ka bia thuk kan chimh hna lai.











40
A DAWTNAK IN A KA CUAI
Key ; G
Beat: CountryPop
Tempo: 142

1. Ka nunnak lamthluan ka zoh ah ka sualnak
Phuntling kei ka hmuh, Bawipa hmai ka zoh ngam lo
Ningzah in Bawipa cu ka phanh
Ka sual he Vailam ah ka fuh, a dawtnak in a ka cawi.
A dawtnak in a ka Khamh
Keimah thiam ruangah si lo
Mi chambau misual kei cu
A dawtnak in a ka cawi.

2. Thlichia le tilet a thawh bang ka sual nih ka nun a deng ee
Ka nunnak tha a baa tawn, lungdongh in Bawipa cu ka fuh
Vailam tahnak hram ah ka ton, a dawtnak in a ka cawi.
A dawtnak in a ka Khamh
A riantuan ruang zong si lo
Mi chambau kei mi sual cu
A dawtnak in a ka cawi.

3. Sifak cambau in kei kanung zawtnak phunkip nih a ka tlunh
Ka nunnak rethei a tuk, ka zaangfah hram law tiin ka au
Misual kei ka thlacamnak cu, a dawtnak in a ka cawi.

4. Pathian sining kong ka ruah ah a tlamtling kho lo ka nunnak
Ka sual hmanh ka theih kho lo, siseh Bawipa cu kei ka fuh
A tlamtling lo mi ka nunnak, a dawtnak in a ka cawi.
A dawtnak in a ka Khamh
Ka piangthar ruang zong si lo
Mi chambau misual kei cu
A dawtnak in a ka cawi.

41
KA HRINTHAN CANG

Key ; G
Beat: Hard Rock
Tempo: 130

1. Khamhtu Bawi Khrih ka ngei cang, ka hrintthan cang
BawiJesuh nih ka aiah thihnak a tuar
Thiamcoter in ka um cang ka hna a ngam
[Khamhtu BawiKhrih ka ngeih cang ka hrintthan cang]

A nuam tuk ee hrintthan a nuam tuk ee
A nuam tuk ee nuam tuk ee, a nuam tuk ee
BawiKhrih he nun tti cu ka hna a ngam
Khamhtu BawiKhrih ka ngeih cang
Ka hrintthan cang.

2. ( Kuak ka zuk tawnmi zong kha ka kal tak cang )x3

3. ( Zu ka din tawnmi zong kha ka kal tak cang )x3

4. ( Khaini ka hmawm tawnmi zong ka kal tak cang )x3

5. ( Tikawr ka hmawm tawnmi zong ka kal tak cang )x3

6. ( Phe ka kah tawnmi zong kha a kal tak cang )x3

7. ( Kuanza ka ei tawnmi zong ka kal tak cang )x3

8. ( Mi kong ka ceih tawnmi zong ka kal tak cang )x3

9. ( Thil ka fir tawnmi zong kha ka kal tak cang )x3




42
BAWIPA CAAH KA KAL CHIN LAI

Key;G
Beat: Hard Rock
Tempo: 130


1. [ Bawipa caah a tu tho in kei ka kal lai]x3
Raltha in Bawipa caah kei ka kal chin lai.

2. [ Ka tih ti lo ka hna a ngam Bawipa ka hruai]x3
Raltha in Bawipa caah kei ka kal chin lai.

3. [ Faphalphawrh in lunglawmhin kei ka tlung than lai]x3
Raltha in Bawipa caah kei ka kal chin lai.

4. [ Van ka phak cun lunglawmhin laksawng ka lak lai]x3
Raltha in Bawipa caah kei ka kal chin lai.

5. [ Hallelujah, Halellujah,Haleelujah]x3
Raltha in Bawipa caah kei ka kal chin lai.


AMAH A NUNG
Beat :CountryPop, Tempo:125

1. Pathian nih a fapa a kan pek, Dawtnak le
Damnak ngeihthiamnak
Kan caah a thi kan sual ngaithiamnak
Thihnak teitu a Bawipa cu a nung ka hngalh.

Amah a nung, hmai lei caan ka tong ngam
Bawipa a nung, tihnak an lo
Amah ka hngalh, hmai lei uk tu Bawi
Nun man ngeihmi ka si caah Amah cu a nung.

43
HI VAWLEI KAN NUN CAAN

Key; F
Beat: CountryPop
Tempo: 125


1. Hi Vawlei kan nun caan hi a tawi tuk ee
Vawlei pum cu Lei ah ni khat khat cu a kir than lai
Kan thlarau bel cu petu Pathian sinah a kir than lai
Lei ah caan tawite khual tlawng kan si.

Nihin i kan dawtmi hna fanu,fapa,nu le pa hi
An ruak cungah tah caan kan phan lai
Dawtmi ruak cung i tapmi kan nih zong hi
Ni khat khat cu kan ruak cungah an tap vete lai.

2. Hi Vawlei chawva ruangah chungkhar
Nuva len cim hlan ah Khua za ramkip ah kan i then hi,
Mi cheu cu sunghno nupa tang pom lo in leidai an ciam
Unau kan Vawlei caan a tawi tuk.

3. Cucaah zumtu unau, nu le pa hna hi Vawlei caan
Tawite kan khual tlawnnak ram ahhin
Jesuh he len ti u sih chungkhar lawmh in thangthat ti sih
Dawtnak cu kan rawl thaw bik siseh.










44
THLUACHUAH VAN NI TLUNG LAW

Key; A
Beat: CountryPop
Tempo: 120

1. Thlauachuah Van ni tlunglaw kan lai ram te ahhin
Zingnu na lennak ram dawh ah cang ai sehlaw
A chung lengmi thinlung kip ah thlarau leng seh
Lungkhat in kan leng lai kut za tial tlai in ee.

Hoi dawt hna he lungkhat Bawipa thangthat a nuam
Chun ni tlak zan khuadei tiang zong kan cim lai lo
A nuam ramtha kan phak tikah hi nak nuam in
Kan thangthat lai VanBawi cu dong ti lo in ee.

2. Khrihfa lungrual tein leng ti a nuam hringhran
Then ti lo in zungzal leng ti kan duh zongah
Vawleicung cu thennak ram a si bantukin
Kan tian riang mang ko lai ngaihchiat mitthli tla in ee.

3. Cungchin na thu Mang Bawi rem hlei run inn dawh cu
Kan ton tikah hi bang ngaihchiat thennak zong hi
A um lai lo tiam mi ram nuam kan tlun tikah
Ngaihchiat sifah retheih um ti lonak ramah cun ee.

4. Kan Biakzingnu a zumtu na fa le rual hi
Lung nuam tein len ti a nuam kan ti lio ah
Thennak um ti lo in kan la law lei ram in
Dawtnakin na remhmi run innah leng kan hngah hlang ee.




45
PATHIAN CU THANGTHAT SI KO SEH

K.H No .1
Key ; Ab
Beat: 9-8 Waltz
Tempo: 95

1. Zeizong sertu Pathian thangthat si ko seh
Vawlei a dawt ca’h a fapa a kan pek
Sual ngaihthiamnak ca a nunnak kha a siang
Mikip caah nunnak kut ka a hun cang.

Bawipa cu thangthat u, Khuazakip cul dih seh
Bawipa cu thangthat u, Mikip i lawm hna seh
Fapa Jesuh thawngin Pathian cu panh u
Zeizong vialte sertu Pathian thangthat uh.

2. Maw Khamhnak tling thisen in a kan tlanhnak
A zummi kip sin i Pathian biakamnak
Lungtak in a zummi misualbik hmanh nih
Jesuh sin in sual ngaihthiamnak an hmuh colh.

3. A sermi thil vialte kong a kan cawmpiak
Fapa Jesuh thawngin lawmnak a sang chin
Sihmanhseh Jesuh kan hmuh te tikah cun
Khuaruahhar in lawmhnak a sang chin chin lai.










46
KA THLARAU NGAI TUAH

K.H No. 12
Key ; D
Beat: CountryPop
Tempo: 152

1. Ka thlarau ngai tuah Vangcung mi hla saknak
Vawlei lawmhnak rili cung tiang a thang
Hla sak nak thawngtha kha kan theih tikah cun
Lungthlennak le sualthlahnak bia a chim.

Biakam a tling, Vangcung mi vialte nih khan
An aw ngeih awk tlak in hla an sa i
Zaanlei tahnak zinglei lunglawmhnak tha bik
Khuamuihnak kha dawtnak nih a ceu ter.

2. Hla aw nan theih tikah hmailei ah kal uh
“Retheimi le sifak ra u” a ti
Khuamui chungah Bawi Jesuh nih an auh cang
Vangcung lam tha hmuhsak tu kha a si.

3. Lam hlapi ah zaanlei darkhing thawng bangin
Vawlei cungah Jesuh thawng a thang cang
Thong tampi thil rit a phorhmi vialte nih
Tuukhal Bawipa nangmah sinah kan ra.

4. Ngaihchiatnak caan kha a tu sau hmanhsehlaw
Khuamui hlawt in lawmhnak khua a ceu lai
Retheimi kalnak lam kha a dih tikah
Thlarau hnangamnak sui khua kan phak lai.





47
BAWIPA NANGMAH NA MIN KAN DAWT KO

K.H No. 19
Key ; G
Beat: CountryPop
Tempo: 152

1. A min a tha Bawi Jesuh kha
Ka dawt ngai ngai a min
(Mi dang nih an theih khawh nak hnga
Chimh awkah kal ka duh)2

2. Ka thlarau nunnak na si i
Zungzal in kan bochan
(Thawngtha dang kha um hmanh sehlaw
Keimah ka duh ti lo)2

3. Ka duh vialte nangmah sinin
Keimah nih ka hmuh cang
(Thawngtha dang kha um hmanhsehlaw
Keimah nih ka duh lo)2

4. Na thawngtha kha ka thangthat lai
Keimah ka thih hlan tiang
(Nangmah sinah ka phak tikah
Zungzal hla ka sak lai)2










48
ZAANGFAHNAK HRI TLAI IN

K.H No. 21
Key; F
Beat: 9-8 Waltz
Tempo: 80

1. Zangfahnak hri tlai in
Lungthin hmun khat tein
Jesuh thawngin pum khat kan si
Vancung bantuk a si.

2. Kan pa thutnak hmai ah
Lungkhat in kan i pum
Kan ruahchannak kha a khat ko
Lunglawmhnak kha a tam.

3. Ngaihchiatnak kan i hrawm
Thil rit zong kan i hrawm
Khi bantuk Bawipa phung kan zulh
Thluachuahnak kan hmuh cio.

4. Kan i then than tikah
Ngaichiatnak kha a tam
Siseh kan ruahchannak Van ah
Ton thannak a um lai.










49
NAN SINAH PATHIAN UM KO SEH

K.H No. 25
Key; Db
Beat: CountryPop
Tempo: 115

1. Kan bu in kan i ton than tiangin
Nan sinah Pathian um ko seh
A mah nih him in keng ko seh
A mah chimhhrinnak in lam sial seh.

Kan i ton than hlan tiang
Jesuh sin kan i ton tiang
Kan i ton than hlan tiang
Nangmah sinah Pathian um ko seh.

2. Kan bu in kan i ton than tiang in
Kan sinah Pathian um ko seh
A thla in in hupphen ko seh
Ni fa te in rawl in pe ko seh.

3. Kan bu in kan i ton than tiangin
Nan sinah Pathian um ko seh
Sifahnak kha na hmuh tikah
Nangmah kha a kut in pom ko seh.

4. Kan bu in kan i ton than tiangin
Kan sinah Pathian um ko seh
Dawt ngiatnak puan kha lek ko seh
Thihnak tilet kha daihter ko seh.





50
NAN AW NGEIH VIALTE IN THANGTHAT U

K.H No. 35
Key ; Bb
Beat: CountryPop
Tempo: 152

1. Bawipa thangthat tuah u, a nganbik Pathian
Kan nih Khamhnak caah lam tha kha a hun
Khamhnak a tha bik kha a kan pek caah
Meialh le minmei in a kan kai pi lai.

Nan aw ngeih vialte in, Bawipa thangthat u
Mi lungchung muihnak kha a run ceu ter lai
Amah pen dinnak kha a kau chin chin lai
A sermi vialte nih a sermi vialte nih
Bawipa an hlorh maw ka thlarau thangthat tuah.

2. Thlarau tlaumi sinah tlanhnak kha a pek
A sual mi ca thianhnak tiva a luanter
A Khamh ciami vialte kha a kan dawt i
Kan thlacam a ngaih ca Bawipa thangthat u.

3. Bawipa thangthat tuah u, Kan vansan lio ah
A zaangfahnak hri nih khan a kan tlaih cang
Zumh le ruahchan in a teimi vialte he
Dawtnak ram ah tling tein kan i tong lai.









51
ZEITLUK IN DAH NA LIANNGAN KO

K.H No. 41
Key ; C
Beat: CountryPop
Tempo: 152

1. Bawipa Pathian na tuah mi thil vialte hi
Ka ruah tikah ka lung nih a phan lo
Arfi le khuadawm le khuari hna nih khin
Na thil ti khawhnak kha an langhter ko.

[Ka Khamtu Bawi
Nangmah kan thangthat ko
Zeitluk in dah, na lianhngan ko]x2

2. Fing le tlang le ram lak ah kaa chawk tikah
Thingkung cung va te aw dawh ka theih hna
Tlang sang cung in khua le ram ka vung cuan i
Tiva te le thlizil thawng ka theih hna.

3. Pathian nih ah Fapa kha zuah hin lo in
Keimah ca thih awkah a run thlah cang
Vailam cungah ka sualnak kha a phawrh i
Sualnak chungin ka luatnak hnga a thi.

4. Thangthat nak he Khrih nih a rat than tikah
Lawmnak inn ahcun a ka kal pi lai
Khi tikah a hmai ah kun in ka biak lai
Pathian na lianngannak kha ka chim lai.






52
KAN HIMNAK LUNG JESUH A SI

K.H No. 45
Key ; F
Beat: Country
Tempo: 152

1. Kan himnak lung Jesuh a si
Thlichia a hran ah kan dornak
Harnak zeikhom in kan Khamh rih
Thlichia a hran ah kan dor nak.

Maw reithei mi caah Jesuh kan lungpi
Rethei mi ca’h lungpi a si
Maw rethei mi ca’h Jesuh kan lungpi
Thlichia a hran ah kan dor nak.

2. Chun ah naidem zaan ah dor nak
Thlichia a hran ah kan dor nak
Tihnung ral nih kan doh hmanhseh
Thlichia a hran ah kan dor nak.

3. Thlichia nih a kan dum tikah
Kan dornak kha Jesuh a si
Himnak hmun in kan zam lai lo
Thlichia a hran ah kan dor nak.

4. Maw kan lungpi himnak fek bik
Thlichia a hran ah kan dornak
Kan nih naih ah zungzal um tuah
Thlichia a hran ah kan dor nak





53
A KA HRUAI

K .H .No 46
Key; D
Beat: CountryPop
Tempo: 142

1. Pathian nih a ka hruai zungzal
Vangcung lungdaihnak in a khat
Ka tuah nak le ka umnak ah
Jesuh kut in a kan hruai ko.

( A ka hruai ko )2
Amah kut in a ka hruai ko
A kut in ah ka hruai caah
Lungfek zulhnak ka lung a si.

2. A caan ah sifah nak lak ah
A caan ah lunglawmhnak lakah
Ti daihnak le ti let lak ah
Jesuh kut in a ka hruai ko.

3. Bawipa na kut tlaih ka duh ko
Zeitik hmanh ah al ka duh lo
Khuazeihmanh ah na ka hruai ca’h
Hnangam te in ka um zungzal.

4. Vawlei riantuan a dih tikah
Na liannak in ka tei tikah
Jordan na ka tanpi caah
Thihnak tilet ka ti lai lo.





54
AN KHAMH KHAWH
K. H No. 51

Key; Bb
Beat: Country
Tempo: 152

1. Thinphangmi nang nih tih hin lo in
Nangmah na Bawipa cung va bochan tuah
Thlacam tuah na Vailam rit hmanhsehlaw
Amah nih an bawmh lai.

Amah nih nangmah kha an Khamh khawh lai
Amah kut cu ral huhphenhnak asi
Amah nih nangmah kha an Khamh khawh lai
Khi a si ca’h phang hlah.

2. Thinphangmi na ral kha tam hmanhseh
Ral dohnak lei naa zuamnak lianhter tuah
Bawipa lianngannak he na doh ahcun
Ral tei mi na si cang.

3. Thinphang mi na lam a har tikah
Bawipa nih tih nak in an chuah ter lai
Bawmhnak na duh ahcun a mah naih tuah
Amah min lianhter tuah.










55
PATHIAN KUT CHUNGAH KA UM

K.H No. 56
Key; C
Beat: CountryPop
Tempo: 152

1. Ka Khamtu Bawi a ka hruaitu he cun
Thil zeihmanh ka cung tlung seh ka him ko
Thlichia le ruahpi in a ka Khamh lai
Amah kut chungah ka um.

( Amah kut chung ah ka um )2
Thil zeihmanh ka cung tlung seh ka him ko
Amah kut chungah ka um.

2. A dawtnak tang cungah a ka pom i
Daihnak bia kha a aw nih a ka chimh
Pathian nih a ka ven ca’h ka him ko
Amah kut chungah ka um.

3. Amah nih ka nunnak a ven caah
Zeihmanh nih an kan then kho bal lai lo
Amah nih a ka huhphenh lai ka hngalh
Amah kut chungah ka um.











56
PATHIAN HE UM

K.H No. 60
Key; Bb
Beat: CountryPop
Tempo: 152

1. Vawlei cung tihphannak tam um hmanhseh
Zeicaahdah ka tih hnga
A lang lo Pathian he ka kal ah cun
Khuazei hmanh ah ka kal ngam hnga.

Cucaah hawi le hna
Pathian lei ah nan lung fek seh
Zeitik hmanh lung rawk lo in
Pathian sin kan phak ah cun
Maw lawmnak zeitluk in dah kan hmuh lai.

2. Sifahnak a phunkip tlung hmanhsehlaw
Zeicaahdah ka tih hnga
Pathian kha keimah sin a um ahcun
Khuazei hmanh ah ka kal ngam lai.

3. Thihnak hor tih nung chung um hmanh ninglaw
Zeicaahdah ka tih hnga
Ka kut fek te in a ka tlaih ahcun
Khuazei hmanh ah ka kal ngam hnga.

4. Miphun vialte nih ka ral hmanhsehlaw
Zeicaahdah ka tih hnga
Pathian liannak ka cung a um hnuah
Khuazei hmanh ah ka kal ngam lai




57
KHAMHBAWI HRUAINAK KIP AH

K.H No. 61
Key; Eb
Beat: CountryPop
Tempo: 152

1. Tiva dawh luannak nel rawntha ah siseh
Rili ti let a thomi lakah siseh
Khamhbawi Jesuh nih a ka hruainak kipah
Thawngtha bia chim ah lunglawmin ka kal lai.

KhamhBawi hruainak kip ah
Lunglawmin ka kal lai
Khamhbawi nih a ka hruainak ah
Lawm in ka kal lai.

2. Lam harnak lungpang le horkuang ah siseh
To tho lak le thlichia hrang lakah siseh
A hawi sinin a tlaumi tuu kawl awk ah
Khamhbawi a ka hruai ahcun ka kal ko lai.

3. Khamhbawi a ka hruainak kip ah ka zulh lai
Lawmh le ngaihchiat zong ah a nawl ka ngaih lai
Himnak lam kha Amah nihcun a hngalh i
Ni bang a ceumi inn ah a ka kal pi.










58
KA THLARAU A THUH

K.H No. 62
Key; D
Beat: 9-8 Waltz
Tempo: 80

1. Jesuh ka Bawipa cu ka Khamhtu a si
Khamhtu khuaruahhar ngai a si
Lungpi chungah ka thlarau kha a thuh i
Lawmhnak tiva kha ka hmuh hna,

Lungpi chungah ka thlarau kha a thuh ko
Thladem petu lungpi chungah
Amah dawtnak chungah khan ka nunnak cu
A chiah i a ka hunhphenh fawn
A kut in a ka huhphenh ko.

2. Jesuh ka Bawipa cu ka Khamhtu a si
Ka thilrit kha a ka lak piak
Amah nih a ka dawmh i ka ril lai lo
Nifatin thazang a ka pek

3. Thluachuah rel cawk lo in a ka pek zungzal
Thiltha ka hman cawk lo tiangin
Ka lunglawmhin Pathian cu ka thangthat ko
Cu bantuk keimah tlanhtu cu.

4. Puanrang aih in van i Amah ton awkah
Keimah cu ka hung kai tikah
Mithong tampi hna he Amah dawtnak cu
Kei zong fak pi’n ka sa ve lai.




59
NGAIHMANH PATHIAN DAWTNAK

K.H No. 68
Key; Db
Beat: CountryPop
Tempo: 152

1. Ngaihmanh u Pathian dawtnak cu
Khuaruahhar ngai a si
Pathian fa ah mi sual hmanh hi
A kan can ter dah ngai

Ngai hmah khuaruahhar dawtnak.
Pathian a kan dawtnak cu
Zeitlukin dah a lianngan
Pathian fa a kan ti cang
A Khamhmi kan si caah.

2. Kan ca a thi a thlet caah
Khamhbawi he kan i naih
Ka fa dawtmi hna tiah a auh
A tang ah kan um lai.

3. Kan sunparnak zeibantuk dah
A tu a lang rih lo
Khamhbawi a lang than te tikah
Amah bang kan si lai.

4. Khi bia a zum mi vialte cu
Khamhbawi bang kan si lai
Thihnak teitu minthang Khamhbawi
Na hmai hmuh kan duh ko.




60
KHUARUAHHAR DAWTNAK

K.H No. 71
Key; Eb
Beat: CountryPop
Tempo: 152

1. A sual cia vawlei cung mi kha
Pathian nih a dawt hna
A tha bik Khamhnak sung bik kha
Man lo in a pek hna.

Maw khuaruahharnak ngai ngai
Jesuh a kan dawtnak
Kan nih Khamhnak caah Amah cu
Kalvary ah a thi.

2. Kan zumh ahcun kan bawi a si
A nung than Pathian fa
Thihnak in a kan Khamh cang i
A thi in a kan tawl.

3. Dawtnak in a tlinter dih cang
A mithiang hna sinah
Bawi Jesuh bia an zum caah
Dinhdaihnak kha an hmuh.

4. A zum mi lunglawmh in kal u
Vangcung a tha inn ah
Vawlei ah nan zumnak bangin
Vancungah nan hmuh lai.





61
RA U, A ZUMMI VIALTE

K.H No. 78
Key; Ab
Beat: CountryPop
Tempo: 135

1. Ra u, a zummi hna lunglawm le tha nuam in
Ra tuah u, Bethlehem khua ah ra u
Ra law zoh tuah u Van Bawi fa a hrin cang.

Amah kha bia cio u si, Amah kha
bia cio u si Amah kha bia cio u si
Khrih kan Bawi.

2. Van hla remh bu sa u, Jesuh hlorh in sa u
Vancung mithiangmi vialte nih sa u
Pathian sunparnak sunparnakcung nung bik.

3. Bawipa kan i thangthat ni hin ah na chuah mi
Maw Jesuh sunpar vialte kan i pek
Pathian kan Pa bia pumsa in a lang cang.














62
VAWLEI LAWMH TUAH

K.H No.79
Key; Eb
Beat: CountryPop
Tempo: 152

1. Vawlei lawmh tuah Jesuh a tum
Vawlei Bawi a si lai
Nan lung vialte remh cio tuah u
( Van rang toi hla phuah u )3

2. Vawlei lawmh tuah Jesuh a uk
Mi vialte hla sa u
Lei le rili fingtlang vialte
( Au than cio ko tuah u)3

3. Sifah sualnak a lo dih lai
Hling chunh a um lai lo
Vawlei cung hmun khuaza ram kip
( Thluachuah pek ah a tum)3

4. Dinnak phungtha velngeihnak in
Vawlei a uk dih cang
Amah dawtnak khuaruahhar cu
( Mi vialte a hngalhter)3










63
NANG CAAH UMNAK HMUN A UM

K.H No. 85
Key; F
Beat: CountryPop
Tempo: 152

1. Na Bawi thutdan le sui luchin kha na kal tak
Vawlei cung mi vialte ca na ra
Na hrinnak caah khan Bethlehem khua chungah
Hrinnak inn hmanh kha a um lo.

(Keimah lungchungah rung um tuah
Nang caah umnak hmun kha a um)3

2. Vangcungmi nih lawmnak hla kha an nih an sa
Na chuahnak kong kha an chimh lio ah
Sihmanhseh nautatnak in hrinnak kha na hmuh
Vawlei ah toidornak na in.

3. Cenghngia nih kua an ngeih Va te nih bu an ngeih
Tupi chung thing hluaimim borh tangah
Sisehlaw Pathian fa Vawlei na um lio ah
Ihnak hmun hmanh kha na ngeih lo.

4. Jesuh nih teinak in a rung tum than tikah
Muko tum thawng he a rung tum lai.
Jesuh aw nih keimah kha a ka auh tikah
Ka pawngah um tuah a ti lai.







64
A DAIZAN, A THIANG ZAN

K.H No. 89
Key; C
Beat: 9-8 Waltz
Tempo: 75

1. A dai zan, A thiang zan Zeizong vialte a dai
Nau le a Nu vel chum ah
A dawhmi ceunak aa zel
(Dai te in aa hngilh ko)2.

2. A dai zan, A thiang zan Khuamui a ceu dih cang
Tuu khal nih Van hla an theih
Hallelujah Siangpahrang
( Khamh Bawi Khrih a chuak cang )2.

3. Adai zan, A thiang zan Khuaruahhar Arfi nih
Ni chuah siangpahrang a hruai
Jesuh kha laksawng an pek
(Kan khamhtu a chuak cang)2.

4. A dai zan, Thiang bik zan Van Arfi kan ceuh tuah
Vanmi he Hallelujah
Siangpahrang thangthat u sih
Khrih Khamtu a chuak cang
Jesuh Khrih a chuak cang.









65
VANMI HLA AN SA

K.H No. 91
Key; F
Beat: CountryPop
Tempo: 125

1. Van sang pi khin Vanmi nih
Leicungah hla an run sak
Tlang nih a hun lehnak ah
An hla kha a rak hrawlter.

( Glo-ri-a in excelsis De-o )2
( Pa-thian cu cung nung bik ah thangthat )2

2. Bethlehem khua ah ra law
Ngakchia cu rak zoh tuah u
Khukbil in bia cio tuah u
Bawipa Khrih kan siangpahrang.

3. Vanmi nih an thangthat mi
Cu Cawkuangah nan hmuh lai
Mary le Josef le tiah
Bawi Khrih thangthat cio u sih.












66
NA RIAN NUNH THAN BAWIPA

K.H No.104
Key ; G
Beat: CountryPop
Tempo: 125

1. Bawipa kan nih sinah
Dawtnakin rung um ko
Thiangthlarau he kan nih sinah
Rung kan um pi ko tuah.

Kan sinah um zungzal Bawipa kan in nawl ko
Bawipa ra law kan nih sinah
Ruahchannak kan pe tuah.

2. Bawipa kan nih sinah
Na thiannak kha pha seh
Na thawnnak in kan hupphen ko
Kan sinah rung um tuah.

3. Kan nih kan tha a ba
Bawipa rung kan hruai tuah
Na dawtnak in kan dawmhtlaih tuah
Kan sinah rung um ko.

4. Kan lungchung sualnak cu
Bawipa rung thianter ko
Na min thannak langhter u sih
Zungzal kan ceuter tuah.






67
KHAMHNAK

K.H.No.105
Key; C
Beat: CountryPop
Tempo: 152

1. Bawi Jesuh Khrih zaangfahnak kha
Lawm in sa cio tuah u
Vawlei vialte a zelh lai ca
Nan lung lawm cio tuah u.

A kan Khamhnak thawngtha kha
A tu a tlung cang
A kan Khamh Bawi Jesuh nih
A tu an Khamh cang.

2. Mitcaw mi nih Jesuh zoh u
Ngaichiami lawm tuah u
Jesuh nih an chuah ter cang hna
Thong chung ummi lawm tuah.

3. A kan dawt ca Jesuh a thi
Thangthat a tlak ngai ngai
Vawlei cungah daihnak um seh
Pathian thangthat ko seh.










68
MIN SUNG

K.H No. 106
Key ; Ab
Beat: CountryPop
Tempo: 152

1. Jesuh min kha vaalak hmanh u
Ngaihchiatmi lungrethei hna
Nangmah hnangamnak an pek lai
Na kalnak kip ah keng tuah.

( Maw sung bik, dawtnak min
Vancung leVawlei lawmhnak )2

2. Thinphannak vialte an phenh ca
Jesuh min i ken zungzal
Tukforhnak nih an naih tik ah
Amah min khan thlacam tuah.

3. Maw Jesuh a min sung bik kha
Ka thlarau a lawmhter ca’h
A kut in a kan pom tikah
Amah kha hla kan phuah lai.

4. Bawi Jesuh min kan theih tikah
Amah hmaiah kan kun lai
Vancung khua ah kan tlun tikah
Bawi bik a si kan ti lai.







69
A TLAUMI KAWL

K.H No. 111
Key ; Bb
Beat: 9-8 Waltz
Tempo: 130

1. A tlaumi a kawl, nemte’n an auh hna
Tlangsang cung a vakvai mi hna zong
Bawipa aw nih ka sin ra u a ti.
A tu zongah Bawipa nih an auh.

Lam hla nak le tlangsannak zongin
A vakvaimi ratpi hna u
Khamhtu hruangchung le a inn chungah
A tlaumi kha (luhpi hna u)x2.

2. A tlaumi kawl tuah, Bawipa Jesuh ca’h
Thlarau der le lung kuaimi hna kha
Khamhnak lam ah hruai zungzal ko hna law
Nun dongh lonak hmun ah kal ter hna.

3. Velngeihnak thawng chim in kal lengmang tuah
Ni tin Bawipa Khrih zul lengmang ko
A rilmi hlawm hna, a dermi hnem hna
Lam le nunnak Bawi Jesuh panh in.






70
ZAANGFAHNAK THACHIN BIA

K.H No. 117
Key; G
Beat: CountryPop
Tempo: 152

1. Zaangfahnak tha chin bia,
Lungthin puar a tei khawh
Vawlei a dawt caah
A fapa a kan pek.

Ahohmanh nih nan zumh ahcun
Zungzal nunnak kha nan hmuh lai
Zungzal nunnak kha nan hmuh lai.

2. Ram lak Rul tar zoh mi
Damnak an hmuh bang in
Bawi Jesuh kha an zoh
Zungzal nunnak caah.

3. A sualmi an thi lai
Biaceihnak kannk theih cang
Na bia zumh lo ahcun
An rawk ngaingai lai ta.

4. Vawlei sual phawt awkah
Bawi Jesuh a ra lo
A sualmi Khamh awk ah
A nunnak kha a pek.

5. Zumh lomi zaangfah ca
Zumhnak lung a pek hna
Thachin a kan pekmi
Zungzal in um ko seh.

71
VAILAM PAWNGAH

K.H No. 120

Key ; F
Beat: CountryPop
Tempo: 135

1. Jesuh nangmah ka keng tuah
A sungmi na thi in
Mi vialte an thian khawhnak
Kalvary tlang in a luang.

Vailam ah Vailam ah,
Ka lianhnak si ko seh
Ka thlarau Vancung khua ah,
Lungdaihnak phan ko seh.

2. Vailam pawngah ther pah in
Dawt hramhnak kha ka hmuh
Zing lei deirel Arfi nih
Ka velchum a run ceuh.

3. Pathian tuufa Vailam ah
Na huahnak ka hngalhter
A thladem in ni fa te
Him in kan hupphen ko.

4. Vailam pawng in ka hngak lai
Zumh le ruahchannak he
Hmun dawh bik ka phak hlan tiang
Tiva ral sui khua cu.




72
CERHTI A UM

K.H No. 124
Key; C
Beat: CountryPop
Tempo: 135

1. Immanuel thihri chungin, Thisen tiva a luang
Khi thi chungah a pil mi cu, Sualnak in a thiang cang
Sualnak in ah thiang cang Sualnak in a thiang cang
Khi thi chungah a pil mi cu, Sualnak in a thiang cang.

2. Mifir Vailam an tah mi nih, Khamnak thi kha a hmuh
Amah bangin sual hmanhninglaw, A ka ngaihthiam theo lai
A ka ngaihthiam theo lai A ka ngaihthiam theo lai
Amah bangin sual hmanhninglaw, A ka ngaithiam theo lai.

3. Thahnak a hua maw Tuufa te, A sungmi thi a hmuh
Sual thlahnak le dawtnak hla kha, Ka thih hlan tiang sa ning
Ka thih hlan tiang sa ning Ka thih hlan tiang sa ning
Sual thlahnak le dawtnak hla kha, Ka thih hlan tiang sa ning.

4. Amah chungin thi kha a luang, Keimah ka hmuh tikah
A kan tlanhnak lunglawmhnak hla, A zungzal ka sak lai
A zungzal ka sa lai A zungzal ka sak lai
A kan tlanhnak lunglawmhnak hla, A zungzal in sak lai.

5. A thi luangmi ka hmuh tikah, Dinhnak dawtnak a si
A zungzal in a luang theo lai, Misual thiannak a si
Misual thiannak a si Misual thiannak a si
A zungzal in a luang theo lai, Misual thiannak a si.




73
ZOH TUAH, NAN NUN LAI

K.H No. 130
Key; G
Beat: CountryPop
Tempo: 152


1. Vailamtah nak cungah tar mi nan hmuh tikah
Chikhat te ah nunnak nan hmuh lai
Cu si ca sual mi nih zoh in kawl tuah u
Vailamtah nak an thahmi zoh tuah.

Zoh tuah, nan nung lai an tarmi kha zoh tuah
Nunnak kha nan hmu lai
Nunnak kha a tu nan hmuh zau lai.

2. Amah nih sual thlahnak kha a duh lo ahcun
Zeica’hdah vailamtah a in lai
Misual thihnak in a kan tlanh duh lai maw
Zeicadah a thi kha a luang lai.

3. Ngaichihnak lawng nih sualnak a thlah kho lai lo
A thi lawngin Khamhnak kha kan hmuh
Nan sual vialte kha rak pu tuah u a ti
Jesuh nih kan tawl piak lai a ti.

4. A kan chimhmi bia kha zumh lo in um hin hlah
Zumhnak caan dang a um ti lai lo
Vawlei dongh tikah voikhat a ra than lai
Nan bia kan ceih te hna lai a ti.





74
HOLH IN KA CHIM KHO LO

K.H No. 132
Key; G
Beat: CountryPop
Tempo: 152

1. Jesuh keimah a ka dawt ca
Vailam tahnak kha a huah cang
Keimah tlanh awkah dawtnak kha
Holh in ka chim kho lo.

Bawi Jesuh dawtnak a vel kha
Ka hmurka in ka chim kho lo
Amah dawtnak a tam ca’h
Holh in ka chimh kho lo.

2. Keimah ka lu nunter awkah
Ngaihchiat sifahnak kha a huah
Hling lu chin an chin luchin ah
Sifah ka chim kho lo.

3. Ka Bawipa hnangamnak ka hmuh
Pathian sinin a ka hal piak
Thisen sungin a ka tlanh cang
Holh in ka chim kho lo.

4. A ka naih tikah kaa lawm i
Dinhnak tha kha a ka pek ko
Ruahchannak a ka pekmi kha
Holh in ka chim kho lo.





75
THI SUNG

K.H No.136
Key; Eb
Beat: CountryPop
Tempo: 152

1. Bawi Jesuh thi a chuak mi cu
Keimah caah sung bik
Tihnak le sual palhnak chungin
Ka thlarau aa din cang.

Maw khuaruahhar tiva a luang
A kan Khamhbawi chungin
Van phak tiangin ka hla tha cu
Thi sung thletmi a si.

2. An sualnak le palhnak vialte
Ka ngaithiam cang hna lai
An nih caah ka fa a thi
Tiah Pathian nih a ti.

3. Philh khawh lo mi ka sualnak nih
A ka thih ter lai lo
A sung thi a chuakmi thawngin
Ngaihthiamnak ka hmuh cang.

4. Zaang a dermi ka pumsa nih
Zawtnak kha tong hmanhseh
Khi thi chungah kaa din ahcun
Lungdai in ka thi lai.





76
A THI CHUNG THAWNNAK A UM

K.H No. 137
Key; Bb
Beat: CountryPop
Tempo: 152

1. Na sual thilrit in na luat cang lai maw?
A thi chung thawnnak, thawnnak a um
Sualnak chungah teinak na ngeih lai maw?
Thawnnak a thi chungah a um.

Thawnnak a um, Khuaruahhar thawnnak
Tuufa thi chungah khan
Thawnnak a um, Khuaruahhar thawnnak
Tuufa thi sungmi chungah khan.

2. Porhhlawt lungsualnak in na luat lai maw?
A thi chung thawnnak, thawnnak a um
Kalvary ti in tlengh awkah ra tuah
Thawnnak a thi chungah a um.

3. Hawhra rangnak in na rang deuh lai maw?
A thi chung thawnnak, thawnnak a um
Ti luangah sual thurnak a thiang dih cang
Thawnnak a thi chungah a um.

4. Na Bawi Jesuh ca rian na tuan lai maw?
A thi chung thawnnak, thawnnak a um
Nifa a thangthat hla na sa lai maw?
Thawnnak a thi chungah a um.





77
THIANNAK THISEN

K.H No. 139
Key; Ab
Beat: 9-8 Waltz
Tempo: 150

1. Zohhmanh u sualnak a kal pi tu khi
Thinak Kalavary tlang cungah
Vailamtahnak thing cungah khan an tar
Keimah ca a thi kha a luang cang.

A kan Khamhtu a hnak chungin
Thisen le ti kha a chuak cang
Ka lungchungah um zungzal seh
Misual thiannak tiva.

2. A zaangfahnak ti thiang kha a luang cang
A kan Khamhtu thihnak hmun in
A zungzal in khi ka ah vaa kholh u
Thlarau Khamtu Bawipa sin ahcun.

3. A thi luannak ah aa kholh mi vialte
An sual hawhra bang a thiang lai
Nan sualnak vialte kha hun kalpi u
Ra bai u nan Khamhtu nih a ti.

4. Ka tlau bal ti lai lo sual nak chungah
A ka Khamhtu Bawipa Jesuh
A thiang bik mi thlarau in ka hruai law
Na lawmhnak mui kha ka hmuhter ko.





78
GALILEE PHILHLONAK

K.H No. 150
Key; A
Beat: CountryPop/ Beat: 6-8 Mordern
Tempo: 115 /Tempo: 66

1. Galilee ah Bawipa Jesuh
Cawnpiak pah in a um kal tawn
Vancung kong cawnpiak nak ca’h
Tahchunhnak kha a hman tawn hna.

Maw Galilee ram thluachuahmi
Jesuh a chungah a leng tawn
Kan ram zong nih Jesuh a herh
A chungah leng ve seh kan ti.

2. Pangpar phunkip tlimno vialte
Lei le Van thil vialte hna nih
Pathian thatnak a sungpar ning
A thiannak he a kan chimh fawn.

3. Fiang tein hmuh kho u si law
Vawlei dihlak Biakinn a si
Sermi thil vialte hna zong hi
Pathian lam kal tu an si dih.










79
MAW THONG TAMPI NIH HLA AN SA

K.H No. 152
Key; G
Beat: CountryPop
Tempo: 152

1. Maw thong tampi nih hla an sa
( Ka Khamhtu thangthatnak )x2
Kan Pathian tlanhnak thawngtha le
( Dawt nak le zaangfahnak )x3

2. Kan siangpahrang a kan hruai tu
( Thawnnak run kan pe tuah )x2
Vawleicungmi vialte sinah
( Na tha chin thanh awkah )x3

3. Kan Bawi Jesuh na min thiang hi
( Damnak le hnangamnak )x2
Mi sualmi vialte hna caah
( Daihnak nunnak a si )x3

4. Sualnak vialte tei tu nihcun
( Chuahnak nawl a pe hna )x2
A thur bik ca’h thi a thlet i
( Kei ca zong a si ve )x3










80
A KA TLANH CANG CAAH

K.H No. 153
Key; G
Beat: CountryPop
Tempo:152

1. Sak ka duh ngai mi hla ka ngei
A ka tlanh cang caah
Ka tlanhtu le ka Khambawi kong
A ka tlanh cang caah.

A ka tlanh cang caah , A ka tlanh cang caah
A min in kaa thangthat, A ka tlanh cang caah
Ka Khamhbawi min in kaa thangthat lai.

2. Lunglawmhter tu Bawi Khrih ka ngei
A ka tlanh cang caah
A riantuan ka laksawng sung bik
A ka tlanh cang caah.

3. Fiangte hngalhtu tha bik ka ngei
A ka tlanh cang caah
Zumh lo nak le tih nak an lo
A ka tlanh cang caah.

4. Kei ca remh cia inntha a um
A ka tlanh cang caah
Zungzal ka umnak ding inn tha
A ka tlanh cang caah.






81
JESUH KA LUNGTHIN IN KAN DUH

K.H No. 154
Key; C
Beat: CountryPop
Tempo: 152

1. Jesuh ka lungthin in kan duh
Na zaangfahnak kha kaa hmuh lai
Nangmah duh bangin ka ser ko
Nangmah lawngte kan dawt ko lai.

Ruahnak lungtha kha run ka pe
A thiang khua kha ka hmuhter tuah
Ka lung chung kha run ceu ter law
Na umnak kei ca Van a si.

2. Bawipa nangmah nih na kan dawt
Misual mi kha nang ca kan si
Tha nuam in nangmah lei kan hoih
Na lawmhnak hmai kha kan hmuh lai.

3. Lawmhnak phundang tam hmanhsehlaw
Pangpar tha kha hmuh hmanh ning law
Ka thlarau hlautu ah zeihmanh
Na zaangfahnak bantuk um lo.

4. Nangmah lo in ceu nak um lo
Ka lungchung kha a ceu ter tu
Vawlei harnak ceu ter ko tuah
Lawmnak vialte nang ta an si.





82
MIN AN AU TIKAH

K.H No.164
Key; Ab
Beat: CountryPop
Tempo: 152

1. Bawi Jesuh a tum than tikah Vancung muko kan theih lai
Zungzal in ceunak ni bang in a tlang lai
Khamhnak a hmu mi vialte he
Vancungah kan i tong lai
Min an au tikah kei zong ka um ve lai.

( Vancungah an kan au tikah )x3
Min an au tikah kei zong ka um ve lai.

2. A ceu bik mi zingka ah a thi mi an tho than lai i
Jesuh thawhthan sunparnak chung an lut lai
Vancung Amah sinah a Khamh cia mi vialte an um lai
Min an au tikah kei zong ka um ve lai.

3. Zingka in nitlak tiang Bawipa Jesuh ca tuan cio tuah u
A zaangfahnak sung bikmi chim cio tuah u
Cun kan nunnak a dongh i kan rian zong kha a dih tikah
Min an au tikah kei zong ka um ve lai.











83
PATHIAN PENNAK A NAI CANG

K.H No.169
Key; Bb
Beat: CountryPop
Tempo: 152

1. Vancung khua a tha pennak
Thlarau khua nih a kan awrh ko
A kum fa tin mi thiangmi kha an i khawm
Vancung khua pennak ni khua nih
A kan naih chin ciahmah ko
Vancung pennak rung tlun cu a nai ko cang.

( Vancung pennak thlarau khua kha
Kan naih deng )2
Ka thlarau i timh cang tuah pumhnak
Muko an tum lai
A lianngan nun uk Pathian a lang lai.

2. Vancung khua Pathian thlarau khuatha
Ruahchannak lungthin in
Mi Khamhtu Pathian a langh lai kha kan hngak
A kan tlanh cang Vawleicung khua
Hrum rulhreu sal can nak in
Vancung pennak rung tlun cu a nai ko cang.

3. Van cung pennak a tlun tikah a lian
Pathian kan hmuh lai
Kan lu a kan tu kha a lang hmansa lai
Halellujah a thi in a kan cawk thluachuahnak a si
Maw Pathian Vancung pennak nih a kan naih.




84
KHRIHFA RALKAP KAL U

K.H No. 180
Key; F
Beat: CountryPop
Tempo: 152

1. Khrihfa ralkap mi hna dohnak ah kal u
Hmailei ah a kal mi Jesuh kha zoh u
Jesuh kan Siangpahrang hmai ah a kan sak
Raldoh zuam a kal mi Jesuh kha zoh u.

Khrihfa ralkap mi hna raldohnak ah kal
Hmailei ah a kal mi Jesuh kha zoh u.

2. Jesuh min an theih ah rulhreu mi an tli
Khrihfa ralkap mi nih teinak hmuh u si
Au nak thawng an theih in rulhreu pengnak rawk
U le nau au len u lawmhnak in thangthat.

3. Ralkap rian an tuan bang Khrihfa bu an tuah
Hmailei mi thiang ke neh kan nih kan zulh lai
Kan nih then lo in kawp pum khat te kan si.
Dawtnak zumhnak bochannak kan lungtak a si.

4. Vawlei mi lian pennak an rawk len nain
Bawi Jesuh pennak kha Zungzal a hmun ko
Rulhreu puarpennak kha teinak an hmuh lo
Jesuh bia a kan kam Amah bia a hmun.

5. Vawlei mi vialte hna lut Khrihfa bu ah
Nan teinak hlasaknak nan nih zong sa u
Rel cawk lo chan lakah Van le Vawlei mi
Thangthat le upatnak Jesuh pe u si.


85
KA ZUMHMI KA HNGALH

K.H No. 185

Key; Eb
Beat: CountryPop
Tempo: 152

1. Pathian nih zei ca velngeihnak
A ka pek ka hngal lo
Dawtnak in zei ca tlanh tlak lo
A ka tlanh ka hngalh lo.

Sihmanhsehlaw ka zumhmi ka hngalh
Ka Pathian sinah ka chiami vialte
Khi ni tiang a huhphenh khawh lai
Cucaah ka ningzak lo.

2. Zeitin khamh hmuhnak zumhnak hi
A ka pek ka hngalh lo
Ka lungchungah Amah bia nih
Daihnak a ka pek zong.

3. Zeitin thlarau nih misual lung
A thlen hi ka hngalh lo
Baible in Jesuh kong a thanh
Zumhnak lung a kan pek.

4. Zeitik ka Bawi rat lai hngalh lo
Zan ah maw chun ceu ah
Nelrawn ah maw kan kal ti lai
Van ah dah kan ton lai.




86
FEK TEIN DIR U SIH

K.H No. 192
Key; G
Beat: CountryPop
Tempo: 152

1. Khrihfa ralkap mi hna Bawi Jesuh bochan in
Thawngtha bia a thiang bik au pi cio u
Ral dohnak le ngaichiatnak Rili bang lian ko hmanhseh
Jesuh thawngin hodah a kan tei hnga.

Fek te in dir u si
Teinak tiang kal chin leng mang u sih
Bawibik ralkap tha kan si bia a kan kam bantukin
Teinak sui luchin kan hmuh cio lai.

2. Jesuh Khrih bochan in rulhreu ral doh u si
Nan ngunnam hler u law hmai ah kal u
Bawi Jesuh nih nan hmai ah ka dir zungzal lai a ti
A bia kam bantuk in kan tei theo lai.

3. Vawlei ngaihchiatnak le sifah kan lonh tikah
Vancung khua ah kan hoidawt mi hna he
Dong lo in Pathian thangthatnak hla kan sa zungzal lai
Ngaihchiat sifah retheih um ti lai lo.










87
NI SARIH CHUNG HIM TEIN

K.H No. 198

Key; G
Beat: 9-8 Waltz
Tempo: 68

1. Ni sarih chungah kan Pa him tein a kan zoh rih
A tu biaknak innchungah thluachuahnak kha hal u sih
( Ni sarih lak tha bik ni zungzal daih hmelchunhnak ni )x2

2. Kan Khamhbawi sungbik minin nangmah lianhnak kha kan kawl
Na hmaitha kha kan hmuhsak kan ningzah sualnak kha tawl
( Ni hin lung daihnak um seh lung daihnak ni tha a si )x2

3. Na min thangthat awk kan ra nai te na um hngalhter tuah
Na inn ah kan um lio ah nangmah lianhnak hmuh ter tuah
( Zungzal kan sithatnak kha mah zongah hin tlawm kan pe)x2

4. Jesuhkhrih lunglawmhnak bia mitha misual nih an ngaih
Velngeihnak kha karhter tuah sifahnak vialte thianter
( Hi bang Nizarh ul u si Vancungah kan kai hlan tiang )x2





88
NUNNAK RAWL KA PE TUAH

K.H No. 205
Key; EB
Beat: CountryPop
Tempo: 120

1. Nunnak rawl ka pe tuah, maw ka Bawipa
Rili pawngah rawl na pek hna bang khan
Ka thlarau nih an duh, maw nunnak bia
Nangmah lawng zungzal nunnak rawl na si.

2. Kei sinah na biatak, ka phaw ve tuah
Galilee ah changreu na phawt bang khan
Temnak khihnak vialte a cat dih lai
Nangmah chungah hnangamnak ka hmuh lai.

3. Nunnak changreu na si, keimah caah
Na bia thiang cu ka Khamhnak lam a si
Nangmah he zungzal ka um khawhnak hnga
Na dawtnak biatak cu ka cawnpiak tuah.

4. Maw Bawipa, thiangthlarau ka pe ko sawh
Ka hmuh khawhnak hnga ka mit kha tawng seh
Na Baible chung BiaThiang ka hmuhsak tuah
Hi cauk chungin Bawipa nang kan hmuh.










89
JESUH THI LAWNGIN

K.H No. 206
Key; G
Beat: CountryPop
Tempo: 120

1. Ka sualnak zei in thiang lai
Jesuh thi lawngin a thiang ko
Zeidah a ka damter lai
Jesuh thi lawngin ka dam lai

Maw thletmi sungbik thi
Hawhra bang ranter tu
Cerh ti dang ka tong lo
Jesuh thi lawngin a thiang ko.

2. Keimah thianter awk caah
Jesuh thi lawngin a thiang ko
Keimah sual ngaihthiam awk ah
Jesuh thi lawngin a thiang ko.

3. Keimah sual ca ingtu ah
Jesuh thi lawngin a thiang ko
A tu tiang zei ka hlei lo
Jesuh thi lawngin a thiang ko.

4. Ka ruahchan lungnemnak ca
Jesuh thi lawngin a thiang ko
Keimah mi ding sinak ah
Jesuh thi lawngin a thiang ko.





90
JESUH TUM THAN TIANG KAN TUAN LAI

K.H No. 214
Key; F
Beat: CountryPop
Tempo: 152

1. Sifahnak in ruahchan ram tha,
Zeitik dah ka phak lai
Zeitik ah ralthuam ka chiah lai
Hnangamnak ka hmuh lai.

Jesuh tum than tiang in hngak ko
A tum hlan tiang riantuan
A dih tikah, Inntha chung kan um lai.

2. Vawlei cung hnangamnak um lo
Zeihmanh a tling kho lo
Vawlei cung sau nuamnak um lo
Sifahnak ram a si.

3. Hnangam le sunpar hmuh awkah
Lam dang va pial ti hlah
Vancung khua tha kan phak hlan tiang
A kan hruai zungzal lai.

4. A kan Khamhtu Bawi kan hmuh cang
Lam dang kan zul lai lo
Kan thih tikah Amah thawngin
Vancung khua kan phan lai.






91
BAWIPA AUHNAK

K.H No. 215
Key; Ab
Beat: CountryPop
Tempo: 152

1. Bawipa nih a facang lo chungah
Rian tuan awk a kan auh
Facang zuntu kha an tlawm caah
An caan kha a luan cang.

Lunglawmin Bawipa thawngin chuak tuah
Dawtnak velngeihnak he
Khamhnak laksawng thenh awk tha bik kha
Mi vialte hngalhter hna.

2. Sifak mi hna kha lawmhnak chungah
Zaangfah rawl danghnak ah
Bawipa nunnak zungzal co awk ah
An nih cu run hruai hna.

3. A tu thawk in tuan hramthawk cang tuah
A ceu a dih zau lai
A donghnak caan kha a tlun tikah
Kan tuan kho ti lai lo.










92
ZUNGZAL RIAN TUAN KO

K.H No. 217
Key; Bb
Beat: CountryPop
Tempo: 142

1. Lochungah riantuan awk tampi a um
Facang a za i a hleptu an tlawm
Bawipa aw nih riantuantu vialte kha
Ka bia kha ngai u a ti hna.

Tuan ko u, tuan ko u
Lunglawmhnak in nan ruah lai
Bawipa nih thanuamnak kha an pek hna lai
Nitlak hlan tiangin tuan ko u.

2. Rawl chiahnak buk ah facang khahter u
Lunglawmhnak he zuamnak in hla sa u
Nitlak khua muih hlan tiangin tuan ko u
Biatakin riantuan zungzal u.

3. Riantuan a har i, ni sau hmanhsehlaw
A tuanmi nih lunglawmhnak an hmuh lai
Bawipa nih a thim cia mi vialte cu
Lunglawmhnak bik a kan pek lai.

4. Vancung khua chungah lunglawmhnak a um
A har riantuanmi vial nih an hmuh lai
Bawipa nih dawtnak bia a chim tikah
An nih riantuan a dih cang lai.





93
NEM TEIN AN AUH

K.H No. 222

Key ; G
Beat: 9-8 Waltz
Tempo: 133

1. Maw a tlau i a ba mi rak kir tuah
Tuukhaltha nihcun an lem lengmang ko
Khamh awkah an kawl, thianh awkah an hngah
Rau lo tein a sinah rak kir tuah.

Nem tein an auh, thinfual in an nawl
Tuukhaltha an auhnak kha ngai tuah
Nem tein an auh, thinfual in an nawl
Dawtnak in ka sin ra tuah an ti.

2. An hngah ko rih zei caah na thih lai
Saupi tuu run chungin tlau cang hmanhlaw
A nunnak thi in nangmah kha an tlanh
Khuaruahhar dawtnak chim khawh lomi cu.

3. A bia kha ngai tuah, a dawtnak ruat tuah
Nangmah sualnak kha thing cungah a in
Ngaihthiamnak tling le zungzal nunnak cu
A sermi remnak thawngin an per cang.

4. Lam dingin lut tuah, lamtak in lut tuah
Jesuh in lut tuah innka kha a si
Amah nih nem tein an auh lengmang
Ra lut tuah law tlau than ti lo dingin.




94
KHAWM BAWI SINAH RA TUAH

K.H No. 224

Key; Bb
Beat: CountryPop
Tempo: 152

1. Khamh Bawi sinah hung tuah ra bai bai
Baible ca nih lam an hmuhsak lai
Kan mah lakah ni hin a dir ko
Dawtnak in an kawh ko.

Kan sualnak lung kha a thlen tikah
Kan i pum i kan i nuam lai ta
Bawi Jesuh he kan i pumhnak kha
Vancung khua chung a si.

2. Bawi Jesuh nih ngakchia rat a duh
Mi lung zapi lawm ko seh a tu
Nangmah kan thim lai kan Bawi Jesuh
Rau hlah a tu ra tuah.

3. Ni hin kan sinah Jesuh a um
Pathian nawlbia kha ngai tha te in
Na theih lo maw a chim dawtnak in
Ka fa na ra lai maw.









95
ZUM KO TUAH

K.H No. 242
Key; G
Beat: CountryPop
Tempo: 148

1. Sualnak lam zulmi vialte hna
Bawipa nan zumh ahcun
Dinhdaihnak kha an pek hna lai
Mi nunnem ngai a si.

( Zum cio tuah)x2
Zum cio ko tuah u
( An Khamh hna lai )x2
A zummi vialte

2. Bawi Jesuh cu thing cung ah khan
Fahnak a in caah
A thi in a tawlmi vialte
Hawhra nak an rang deuh.

3. Jesuh lam le biatak a si
Dinhnak ram kalnak lam
Zungzal thluachuah a pek hna lai
Amah zummi vialte.

4. Ram tha zoh in kal tuah u law
A thiang bu vialte hna
Nun dongh lonak zungzal inn tha
Vancung kan pa sin ah.





96
JESUH SINAH NA KAL CANG MAW

K.H No. 251
Key; Ab
Beat: CountryPop
Tempo: 152

1. Sual thianh thiammi sinah khan na kal cang maw
A thi in sual thianhnak na hmu maw
Jesuh vel kha tling te in na zum cang maw
A thi in sual thianhnak na hmu maw.

Bawi Jesuh a thi in
Nangmah sual thianhnak na hmuh cang maw
Na thlarau puan hawhra bang a thiang cang maw
A thi in sual thianhnak na hmu maw.

2. Nifa tein Jesuh sinah na kal maw
A thi in sual thianhnak na hmu maw
Vailamtah a ingmi kha naa hngatchan maw
A thi in sual thianhnak na hmu maw

3. Khamhbawi tum tikah na lung a thiang lai law
A thi in sual thianhnak na hmuh maw
Na thlarau Vancung luh awk ah na tim maw
A thi in sual thianhnak na hmu maw.

4. Na sualnak a nehmi puankha hlaw cang tuah
A thi in na sualnak va thianh tuah
A thiang lomi caah nunnak ti a luang
A thi in sual thianhnak na hmu maw.





97
ZUM TUAH NA NUNG LAI

K.H No. 254
Key; Ab
Beat: CountryPop
Tempo: 152

1. Zoh tuah Kalvary Vailam cungin
Mi zakip ca nunnak thi a luang
A zummi cu zungzal an nung lai
Zumh tuah nan nung lai.

Zum tuah nan nung lai
Zum tuah na nung lai
Vailamcung in nunnak thi a luang
Zum tuah nan nung lai.

2. Na sualnak vialte a thianter cang
Khamhnak hmun kha a phak khawh theo lai
Bawi Jesuh cu nunnak lam a si
Zum tuah nan nung lai,

3. Thlan in a tho mi Bawi kha zoh tuah
Khulrang in Amah sinah kal tuah
A hmai ceu nih lawmhnak an pek lai
Zum tuah nan nung lai.

4. Khamh tu Bawi nih a ka chuahter cang
Sual muihnak chung ka rak umnak khan
Vanram thiang cu a ka phakter lai
Zum tuah nan nung lai.





98
A RAWK MI KHA HLAWM TUAH


K.H No. 273
Key; Bb
Beat: CountryPop
Tempo: 152

1. A rawkmi kha hlawm tuah, thi deng zohkhenh tuah
Sualnak thlan in zaangfah in hung chuak tuah
A palhmi kha hram tuah, a ril mi tung tuah
Jesuh Khamh thiamnak kong kha va chim tuah.

A rawkmi kha hlawm tuah
Thi deng zohkhenh tuah
Jesuh tlaihchannak nih
An Khamh hna lai.

2. Sualnak ngaihchihmi fa, a ngan ko rih hna
Amah bia zei ah an rel lo nain
Lungtak in va sawm tuah, nem tein sawm tuah
An zumh ahcun ngaihthiamnak an hmuh lai.

3. Mi lungthin chungahkhan, rulhreu a hrolh ca
Thihnak le rawhnak nih khan a uk cang
Sihmanhseh dawtnak in na tongh hna ahcun
A rawk cia lung kha a nung than kho lai.

4. A rawkmi kha hlawm tuah, tuan awk rian a si
Jesuh nih thazang fehnak an pek lai
Dawtnak in kirter tuah a bi lam chungah
An nih ca Khamhtu a thihkha chim hna.




99
ZION KHUA AH KAN KAL LIO


K.H No. 277
Key; G
Beat: CountryPop
Tempo: 148

1. Jesuh a daw mi ra
Nan lawmhnak hngalh ter tuah
[ Nan nih dihlak hla sa cio u ]X2
[ Bawi thutdan pawng ahcun ]X2

Zion khua kan kal lai
Zoh duh awk , aa daw khua
Zion cunglei ah a ummi
Zion Pathian khuatha ah kan kal lai.

2. Pathian hngal lo mi nih hlasak al hmanh hna seh
( Vancung Bawibik fa hna nih cun )x2
Hla cu an sak theo lai, hla cu an sak theo lai.

3. Zion tlang cu a tha lawmhnak a tam a um
( Vancung khua kha kan phak hlan ah )x2
( Kan hmuh nuamhnak a tam )x2

4. Khi ca hla sa u sih, mitthli kha a hul lai
( Immanuel ram in kan kal i )x2
(Khua tha bik kan phan lai )x2







100
ZUL TUAH

K.H No. 283
Key; Ab
Beat: CountryPop
Tempo: 148

1. Ka Bawi Jesuh sinah tlangcung ah ka kal lai
Khuazei hmanh ti hna fim le ni ceu nak ka ah
Khuazei a ka hruainak hmanh ah ka zulh zungzal lai
A kalnak Vancung khua tiangin ka kal lai.

[ Zul tuah, zul tuah,
Kei zong ka zul ve lai
Khuazei ka ramkip hmanh ah
Kan zulh lai ta ]x2

2. Ka Khamhtu sinah ngaihchiatnak lam ah ka kal
Khuazei hmanh ah thli le ruah nih ka nam hmanhseh
Amah nih a ka zohkhenh ahcun ka tih lai lo
Bawipa pawng ka um ahcun ka hnangam lai.

3. Harnak hor le lam harnak ah kal hmanhning law
Ka thlarau kha ka Khamhtu a kil zungzal
Amah kalnak lamtha ah him tein a kal pi
Vancung khua an pumhnak tiang in a hruai lai.










101
JESUH KAN HAWI THA BIK

K.H No. 307

Key; F
Beat: Power Ballad
Tempo: 60

1. Kan nih kan sual sifah ing tu
Kan hawi Jesuh a si lai
Pathian sinah kan duh vialte
Hal ah cun a tha dah ngai
Hnangamnak tampi um lo in
Fahnak ngaihchiatnak kan huah
Kan duh vialte Pathian sinah
Hal lo in kan um caah.

2. Fahnak le tukforh kan huah maw
hnahnawhnak in kan um dah
Kan lung bel te rawk hin hlah seh
Pathian sinah thlacam u.
Sifah huahnak kha an chanhtu
Hawi khuazei ah na hmuh maw
Kan ngaihchiatnak kha Jesuh hngal
Pathian sinah thlacam u.

3. Zaang ngei lo mi kan si cio maw
Kan thil kha a rit tuk dah
A sungmi kan Khamhtu Jesuh
A ngaih lai kan hal tikah
Kan hawi nih a kan hlawt ah cun
Pathian Bawi sinah chim u
A kut in an lak an pom lai
Hnangamnak kan hmuh lai ta.


102
ZUNGZAL NANGMAH KAN HERH

K.H No. 309
Key; Ab
Beat: 9-8 Waltz
Tempo: 70

1. Zungzal nangmah kan herh nuntha Bawipa
Nangmah aw nem lawng nih ka hnangamter.

Kan herh ko maw kan herh ko
A zungzal kan herh ko
A tu thluachuah ka pe tuah
Na sin ka ra.

2. Zungzal nangmah kan herh run ka naih tuah
Tukforh ka in tikah a ka tei lo.

3. Zungzal nangmah kan herh lawmh caan zongah
Nangmah tel lo in cun nuntha hnem lo.

4. Zungzal nangmah kan herh na duhnak cu
Nifa ka tuah nak hnga ka cawnpiak tuah.

5. Zungzal nangmah kan herh a thiang bik mi
Na mi ka si ter tuah maw Pathian fa.










103
RUAH CHANNAK LUNGPI

K.H No. 320
Key; Bb
Beat: CountryPop
Tempo: 146

1. Ka ruahchannak a hram a fek
Jesuh Khrih thi lawng in a si
Ka bochan dang a um ti lo
Jesuh a min lawng in ka tei.

Lungfekin Jesuh ka bochan
A dang bochan awk a um lo
A dang bochan awk a um lo.

2. A mithmai ceu mui nih a phen
A zaangfahnak kaa bochan lai
Thlichiahrang ti let tho hmanhseh
Ka hngatchannak Bawipa a si.

3. A bia kam bang in a thi cang
Phannak kip ah kaa bochan lai
Ka velchum vial a rawk tikah
Ka bochannak Jesuh Bawipa.

4. Muko thawng he a tum tikah
A hmaika ah ka dir te lai
A dinnak in kaa thuamh tikah
Sualnak lo in ka um te lai.






104
PATHIAN BIAKAM CUNGAH KA DIR

K.H No. 321
Key; Bb
Beat:
Tempo:

1. Bawi Jesuh biakamnak a ngaite ka zumh
A zungzal in Amah kha ka thangthat lai
Amah min lian zungzal seh tiah ka chim lai
A biakamnak kha ka bochan lai.

Zumh in um ning
Ka Khamhbawi Pathian bia kamnak kha ka bochan
Zumh in um ning
Ka Khamhbawi Pathian biakamnak ka zum.

2. A rawk kho bal lo biakamnak kha ka zumh
Tukforhnak a tampi kha ka ing nain
Zungzal nungmi Pathian bia in ka tei lai
Pathian biakamnak cungah ka dir.

3. Khamhbawi Jesuh na biakamnak kha ka zumh
Nangmah dawtnak hri in ka tem zungzal law
Nangmah biakamnak cu ka bochan caah
Thiangthlarau he Satan ka tei lai.

4. A fek bikmi biakamnak chungah ka dir
Thiangthlarau auhnak kha zungzal ka ngaih lai
Ka Khamhbawi a si, Jesuh cungah ka um
Pathian biakamnak kha ka zumh cang.





105
LUNG TLINTERTU KHRIH

K.H No. 322
Key; F
Beat: CountryPop
Tempo: 152

1. Maw Bawi Jesuh ka thlarau nih
Nangmah chunglawng te ah
Saupi ka kawl lungdaihnak kha
A tu lawngah ka hmuh.

Mi lung duhnak tlinter thiammi
A dang hohmanh um lo
Lu nun dawt zungzal lawmhnak kha
Nangmah thawngin ka hmuh.

2. Lungdaih lawmhnak lawng ka kawl tawn
Pathian kha ruat lo in
Ka Khamhbawi kha ka hlawt lio ah
Dawtnak in a ka tlaih.

3. Vawlei sithat lungdaihnak kha
Ka duh ka kawl leng mang
Ka hmuh cang tiah ka ruah tikah
An nih an lo dih cang.

4. Lawmhnak a loh caah ka tap
Nangmah kha kan ruat lo
Khi tikah ka mit na au ter
Na sunparnak ka hmuh.





106
TLING TE IN KA ZUMH

K.H No. 323
Key; F
Beat: CountryPop
Tempo: 135

1. Ka hngalh khawh lo mi thil vialte Jesuh sinah ka rat pi
A bia kamnak ka zumh caah, Lungtuai in ka um lai lo.

A bia kha a zum mi ka si tling le fek tein ka zumh
A bia kha a zumhmi ka si tling le fek tein ka zumh.

2. Ka sualnak Jesuh cung ka chuan Amah thi in a ka tawl
Keimah kha a ka thian ter ko Vancung a ka kal pi lai.

3. Ka ral chiatnak Jesuh ka pek Amah kha ka hngatchan ko
Khuamui lam ah ka um nain, a ceunak cu a maw lo.

4. Ka tha nuamnak Jesuh ka pek kaa lawmnak Bawipa a si
Vawlei vialte Bawipa a si ka tum mi kha a ngeih dih.

5. Ka zeizong te Jesuh ka pek ka pum le ka thlarau zong
Ka ngeihmi le ka hmuh laimi Jesuh kha ka chanh dih lai.












107
VAILAMTAH VAN LAM A SI

K.H No. 325
Key; Ab
Beat: CountryPop
Tempo: 142

1. Vancung khua Vailamtah lam in kal a herh
Hi hlei lam dang a um lo
A ceu mi kutka ka phan bal lai lo
Vailamtah lam zulh lo ahcun.

[ Vailamtah Van lam a si ]x2
Keimah zulh awk ah lunglawmhnak a si
Vailamtah Van lam a si.

2. Thi theh mi lam kha keimah kal awk a herh
Khamhtu a kal cang nak lam
A cung sannak khua kha ka kai ahcun
Pathian he ka thlarau a um.

3. Hi Vawlei cung in keimah ka kal cang lai
Zeitikhmanh kir ti lo in
Ka inn ka kawl Bawipa nih ra a ti
Khi innka in a ka hngah ko.











108
RUAHCHANNAK THA BIK JESUH KEI CA

K.H No. 340
Key; D
Beat: 9-8 Waltz
Tempo: 160

1. Ruahchannak tha bik Jesuh kei ca
Pathian sunparnak keimah ka tep cang
Khamhnak rocotu Pathian cawk mi
A thi sung bik in a ka tawl cang.

( Mah hi ka tuan bia le hla a si
Chun ni tlak in Khamhbawi thangthat hi )x2

2. Amah duhnak zulh thil nuam bik mi
Lunglawmhnak thlam cu keimah ka hmuh cang
Vanmi nih Van khin an rung tum i
Dawtnak le velngeihnak a run pi.

3. Amah duhnak zulh dinhnak a si
Ka khamhtu sinah keimah ka lawm ko
Van khi zoh in ka hngah zungzal i
A thatnak le dawtnak a ka pek.












109
AMAH NIH KA SUALNAK A KALPI

K.H No. 352
Key; Bb
Beat: CountryPop
Tempo: 152


1. Bawipa thangthat in hla ka sa lai
Ka tlantu a si caah
Hla in ka sa lai a ka dawtnak
Zungzal in ka sa lai.

Amah nih ka sualnak a kalpi
A min thiangbik cu thangthat cio tuah u
Amah nih ka sualnak a kalpi
A min cu thangthat tuah u.

2. Amah sinah ka sual vialte he
Dinhnak duh ah ka ra i
Ka thlacam ngaih in a ka luat ter
Hi hla hi ka sa lai.

3. Amah nih thihnak a tei caah
Ka thih tiang ka thangthat lai
A zungzal in ka thangthat ko lai
Zeitikhmanh dong lo in.









110
LAWMHNAK THLAM KA LUNG CHUNGAH

K.H No. 358
Key; Ab
Beat: CountryPop
Tempo: 148

1. Lawmhnak thlam ka lung chungah a um
Jesuh ceunak caah
Hi ceunak ni nakin ceu deuh
Ka lungchungah a um.

Maw hi lawmhnak, lawmhnak sungbik
Keimah lung chungah lawmhnak a um
Jesuh ceunak a langh tikah
Lawmhnak ka lung chung a khat.

2. Hla dawh thlam ka lung chungah a um
Ka Bawipa thangthatnak
Holh in ka chim khawh lomi hla
Jesuh nih a theih ko.

3. Thing ram hnah a corh than caan bangin
Ka lung corhnak a um
Va kai lawmhnak caan a tlun bang
Ka lunglawmhnak a tlung.

4. Thangthat, ruahchannak, lawmhnak, dawtnak
Ka lung ah a um i
Atu le hmai lei thluachuah ca
Lunglawmhnak kha ka ngei.





111
BAWIPA CUNGAH I LAWM TUAH

K.H No. 360
Key; Bb
Beat: CountryPop
Tempo: 152

1. Lungthin a ding mi vialte hna
Jesuh sinah lunglawm tuah u
Bawi Jesuh a thim vialte hna
Ngaihchiat thinphannak kha hlaw tuah.

( Lawm tuah, lawm tuah
Jesuh sinah lunglawm tuah u ) x2

2. Bawi Jesuh kha lawm cio tuah u
Van le Vawlei zong kha a uk
A kut chung ummi kan si i
A nunnak in a kan tlanh cang.

3. Bawipa a ralkap vialte hna
Rulhreu nih tei deng hmanhsehlaw
Jesuh a zulmi vialte kha
Ral vialte nak in an thawng deuh.

4. Chun caan ah khuamui hmanhsehlaw
Khuamui nih van phen hmanhsehlaw
Na thlarau tihnak a um lo
Nunnak a dongh tiangin zum tuah.







112
NAIH CHIN

K.H No. 361
Key; Ab
Beat: CountryPop
Tempo: 152

1. Na kan kawh thawng kha Bawipa ka theih cang
Na kan dawtnak a ka chimh
Zumhnak in na sinah kai chin ka duh
Na ke hram ah um ka duh.

Jesuh a in Vailam tahnak kha
Keimah kha ka naihter tuah
(Naih chin)x3 naih chin ka Bawipa
Naih chin ter nangmah sinah.

2. Pathian na riantuan awkah ka thleidang
Nangmah min in tuah ka duh
Keimah ka thlarau ruahchannak hmu seh
Kei ca nangmah nawl siseh.

3. Nangmah ke hram ah thla ka cam tikah
Lawmhnak zeitluk in ka hmuh
Kan kawidua cio bantukin kan i nawl
Na ka chawnh ahcun ka duh.

4. A sungmi dawtnak keimah ka hngal lo
Thihnak tiva tan hlanah
Lawmhnak bik kha keimah nih ka hmuh lai
Thluachuahnak ka hmuh tikah.





113
JESUH NIH KEIMAH HMANH KHA A KA DAWT

K.H No. 383
Key; G
Beat: CountryPop
Tempo: 120

1. Vancung khua a um mi kan Pathian nih
Bible in a kan dawtnak kha a chim
Cu cauk ah bia tha tampi ka hmuh
A sung bik cu Jesuh dawtnak a si.

Bawi Jesuh nih a ka dawt caah
Tampi kaa lawm tampi kaa lawm
Keimah hmanh kha a ka dawt caah
Ka lung aa lawm ngai ngai.

2. Amah ka philh i lam tlau hmanh ninglaw
Ka tlaunak hmun kip ah a ka ruah ko
Jesuh dawtnak kha ka ruah than tikah
A kut chungah rian rang in ka tli ko.

3. Jesuh a ka dawt a mah ka dawt ve
Ka thlarau khamh awkah Jesuh a tum
Dawtnak in Vailam ah a lu a hloh
Jesuh a ka dawt ngai te a si ko.

4. A lianngan Siangpahrang ka hmuh tikah
Ka hla sung bik cu mah hi a si lai
A zungzal dong lo in Vanram ah khin
Jesuh nih a ka dawt tiah ka sak lai.





114
KAL LAW TUAN

K.H No. 387
Key; C
Beat: 9-8 waltz
Tempo: 80

1. Khrihfa tho u, it ti hlah
Tahnak kan dinh tak lai maw
A nawl a kan pek lio ah
Kan thu sawh sawh ko lai maw.

Kal law tuan hramthawk cang hen
Kal law kawl a tlau mi hna
Sual muih sifahnak chungin
Rawldanghnak ah hun hruai hna.

2. Khamhtu kan daw taktak maw
A biakam kan zum kho maw
Kan zeizong kan pe siang maw
A bia kan ngai lai lo maw.

3. Zumh hnga tluk in kan zum maw
A chim bangin kan nung maw
Amah ta lawng kan si maw
Zumhnak cu rian ah lang seh.

4. Kan put hnga Vailamtah cu
Sui luchin ruahchan ahcun
Teima tein tuan cio u
Caan a tawi ni a tlawm cang.





115
BAWIPA KHA ZUL KO

K.H No. 388
Key; Db
Beat: CountryPop
Tempo: 152

1. Zeithil poah tlung hmanhseh, Bawipa kha zul ko
Lam kha mui hmanhsehlaw, Hruaitu kha zul ko
Ral nih an in lem i, Tih awk nai hmanhseh
Jesuh sin kal ahcun tih awk a um lo.

Ral tha in hmailei ah kal tuah
Na thazang thar chin ko seh
Nifa in na Khawmhtu zul tuah
Amah nih a dongh tiang an hruai lai.

2. Khuazei na kal hmanh ah, Bawipa kha zul ko
Muinak le harnak ah, Lam an hmuhsak lai
Amah ceunak nih na lam a ceu ter lai
Thetse ram vialte kha a par ter dih lai.

3. Lam ah i din lo in, Bawipa kha zul ko
An fial mi nawl paoh cu khulrang in tuah ko
An fial tikah tho law hmai lei ah kal tuah
Jesuh he kal ahcun na tlau kho lai lo.










116
BAWI KHRIH LE KHRIHFABU CAAH

K.H No. 394

Key; D
Beat: CountryPop
Tempo: 142

1. “Bawi Khrih le Khrihfabu caah” ti in
Au cio tuah u, kan siangpahrang min thangthat u
Seino thazang in tuan kha i timh u si
Biatak le phung ding ca’h fek in dir u si.

Jesuh kan Khamhbawi ca le
A thi in a cawkmi
Amah ah Khrihfabu caah
Bawipa kan thianter ko.

2. “Bawi Khrih le Khrihfabu caah” ti in
Thlacam in ni fa kan Vailam i put u si
Thiangthlarau thawnnak kha i bochan cio in
Kan caan that bik lio ah a riantuan u si.

3. “Bawi Khrih le Khrihfabu caah” Thazaang,
Fimnak, sui le ngun, kan chawva le kan caan zong
Amah cu a tha bik kan ngeihmi vialte
Kan lungthin tak le dawtnak he pe u si.

4. “Bawi Khrih le Khrihfabu caah” ti in
Porhhlawt, ruamkainak le mah zawn lawng ruahnak zong
Kan hlawt tikah kan Bawipa orhlei kam ah
Lunglawm in kan thu cio lai, dong ti lo in.




117
CHUNGKHAR DAWTNAK UM TIKAH

K.H No. 400

Key; Ab
Beat: CountryPop
Tempo: 120

1. Chungkhar dawtnak um tikah, Zeizong te aa dawh
Chungkhar dawtnak um tikah, Lunglawmhnak a tam
Daihnak tampi a um i, Kaa kip ah nihnak a um
Dai te in caan nih a dih, Dawtnak um nak ah.

Dawtnak sung, Dawtnak thiang
Dai tein caan nih a dih
Dawtnak um nak ah.

2. Chungkhar dawtnak um tikah,Thlamchung hmanh a nuam
Huatnak le nahchuahnak nih, Zei an tuah kho lo
Kan nunnak nuamhter awk ah kan lamhmi kip Vawlei cu
Dawtnak umnak hmun ahcun, Pangpar an cang dih.

3. Chungkhar dawtnak um tikah, Zeizong te aa rem
Dawtnak umnak hmun ahcun, Zeizong te aa thaw
Innpa he remnak a si, Rualchan he dawtnak a si
Khua tlung nih an i lawm i, Thangthatnak a tam.

4. Bawi Jesuh Khrih nangmah nih, Kan sinah um tuah
Kan innchungkhar lakah hin, Nang Bawi ah si ko
Nang kan sin na um ahcun, Zeihmanh kan tih ti lai lo.
Nangmah nih kannih inn cu, Thluachuahnak pe ko.





118
THLACAMMI VIALTE

K.H No. 410
Key; F
Beat: CountryPop
Tempo: 152

1. Lunglawmhnak thawngtha bia kha khuazakip ah thanh u
An thahmi Jesuh thawngin Khamhnak thachin bia kha
A zungzal thawngthabia kha a bia kamnak a si
Bawi Jesuh a zummi nih laksawng tha an hmuh lai.

( Bawipa Pathian sinah thlacammi vialte nih
Pathian khamhnak kha a ngai te an hmuh te lai )x2

2. Khuamui chungah a um i Sualnak lam a zulh mi
Pathian dawtnak kha zoh u Bawi Jesuh kha zum u
Lungthin nan ngeihmi vial in a bia kamnak zum u
Bawipa sin thlacam mi nih rawhnak an phan lai lo.

3. Vawleicung phorh rit mi le sifah a ing mi hna
Nan thilrit kha chanh awk ah Jesuh nih an ngan hna
A sungbik nunnak laksawng, mi vialte a pek hna
Zumnak in a hal mi cu khi laksawng an hmuh lai.









119
CEUNAK KHA RUN THLAH TUAH

K.H No. 411

Key; Ab
Beat: CountryPop
Tempo: 152

1. Sual mui lakah na mi vialte kha an tang
Ceunak kha run thlah tuah
Khamhnak an herh nain an kal tak dih cang
Khamhnak chung au than hna.

Maw Pathian sual a kan thlah piak tu
Khua za kip mi au hna law
Na hmai ah kun cio ko hnasehlaw
Zungzal nang thangthat awk ah.

2. Na phungchimtu nih an hal piak hna nak kha
Run ngai law bawm tuah hna
An sual hremnak chungin an luat khawhnak hnga
Ceunak kha run thlah tuah.

3. Jesuh vel kha mi vialte sinah phan seh
Ceunak kha run thlah tuah
Khrih ruahnak bantuk an ngeih khawh cio nak hnga
Ceunak kha run thlah tuah.









120
RAM KIP AH KAL U

K.H No. 417
Key; A
Beat: CountryPop
Tempo: 152

1. Ram hlapi ah Pathian bia lo mi tampi
Thlarau relcawk lo kha an tlau lan lai
Hodah kal lai Khamhnak kong kha chimh awkah
Jesuh zoh i harnak kha ruat lo in.

Nawlngeihnak a ka pek dih cang
Nawlngeihnak a ka pek dih cang
Ramkip ah kal in thawngtha bia chim hna u
Nan sinah ka um zungzal a ti.


2. Zohhmanh Vawlei khua zakipin an in sawm
Khrih ralkap hna tho u law lut tuah u
Khrihfa tho u lungkhat tein dir tuah u
Thawngtha bia in sualnak cikcin chat u.

3. Zeica’h dah nan thih lai Pathian nih a ti
Zeica’h dah nan thih lai tiah au chin ve
Thihnak tih nung tei awk ah Jesuh a thi
Nunnak le khamhnak cu au pi cio u .

4. Pathian thangthat siseh tiah phunkip chungin
Hlasaknak kha khulrang in tlunter tuah
Hallelujah Bawipa cu kan siangpahrang
Ti in khamhmi vialte cu an au lai.




121
JORDAN TIVA KAMAH

K.H No.433
Key; G
Beat: CountryPop
Tempo: 152

1. Jordan tiva kamah ka dir
Lunglawmhnak in ka zoh
Kanaan ramtha a lang ka hmuh
Zungzal khin ka um lai.

Khi ramtha chungah kan nih kan um lai
A zungzal a tha tiva ral ah
Khi ramah Jesuh thangthatnak hla kan sa lai
Jesuh he zungzal kan um lai.

2. Khi a dawhmi ram chungah khin
Zungzal ceunak a um
Kan Bawi Jesuh sunparnak kha
Zungzal in a ceu lai.

3. Khi ram nuam le khua tha chungah
Zeitikdah ka phak lai
Kan pa lawmhnak mithmai tha kha
Zeitikdah ka hmuh lai.

4. Ka lungchung lunglawmhnak a khat
Leicung sau um lo in
Jordan tilet tho hmanhsehlaw
Lawmhnak in ka tan lai.





122
VANCUNG AH KAN TLUN TIKAH

K.H No. 435
Key; C
Beat: CountryPop
Tempo: 142

1. Jesuh dawtnak khuaruahhar cu
Fakpi in hla sa u sih
A ceu a tha Vancung khua ah
Kan nih umnak ca a remh.

Vancungah kan tlun tikah
Zeitluk in nuamhnak lawmnak kan hmuh lai
Jesuh kan hmuh tikah teinak hla fak pi’n kan sa lai

2. Vancung lam kha kan kal lio ah
Ngaihchiatnak phun kip ka hmuh
Sisehlaw lam a dongh tikah
Phannak phun kip a lo lai.

3. Ni fa te kan tuan mi rian kha
Zuamnak in tuan cio u sih
Sifahnak kan hmuhmi vialte
Pathian nih a kan cham lai.

4. Hmaiah chiah cia laksawngtha kha
A rauh hlanah kan hmuh lai
Lungvar innkhar a hun tikah
Van inn chungah kan lut lai.






123
NI BANG A CEUMI KHUA

K.H No. 438
Key; Bb
Beat: CountryPop
Tempo: 142

1. Ni bang a ceumi khua a si
Vancung khua tha chung khi
Ni tlak lonak ram ceunak cu
Khamhtu Jesuh a si.

A vailam kan put ahcun
Sui luchin kan hmuh lai
Vancung khua kan phak tikah
A zungzal in kan ceu lai.

2. Vancung khua ah hnangam a um
Thihnak tiva ral ah
Tih nung vialte a lohnak ah
Khi khin kan ro a um.

3. Pathian remhmi inn dawh bik cu
Mithiang umnak a si
Kan dawt ngaingai mi hna nih khan
Khi khin a kan don lai.

4. Vawlei cung tihphannak vialte
Zokzok in lonh ka duh
Vancung mithiangin sinah khin
Thihnak a um lai lo.





124
SUI KHUAPI

K.H No. 440
Key; Ab
Beat: CountryPop
Tempo: 142

1. Thihnak ti varal ah khin khuadawh cu a um
A sunparnak chim khawh lo mi cu
Khika’h ni a tla lo, thinghnah zong a uai lo
Cu sui khuapi dawh le nuam ahcun.

Khika’h ni a tla lo, thinghnah zong a uai lo
Khika’h mithiangmi nih an Khamhtu an hmuh lai
Cu sui khuapi dawh le nuam ahcun.

2. Khi ka ah kan dawt Bawipa a kan tlan tu cu
A zummi nih lawm in kan hmuh lai
Zungzal Van Arfi hna bangin kan ceu lai
Cu sui khuapi dawh le nuam ahcun.

3. Vailamtah hram kan phak pimi thlarau vialte
Kan hmuhmi Tuufa vialte hna hi
Kan sui luchin dawhtertu cu an si te lai
Cu suik huapi dawh le nuam ahcun.










125

CEUNAK RAM AH HIM IN

K.H No. 447
Key; Ab
Beat: CountryPop
Tempo: 152

1. Mithiang mi hna kalnak lam kan zulh ti
Kan Pathian nih lam a kan hruai
Vancung khua lei lam panh in kan kal i
Deirel Arfi kan cung a ceu.

Inn tha bik lei ah kan kal lio
Lunglawmhnak le nunnak co awkah
Kan phak tikah kan i lawm chin lai
Ngaihchiat um ti lai lo.

2. Lam tha a zul mi-thiang vialte bang khan
Zion khua ah kan kal cio lai
Bawipa kan hmuh tikah kan lawm chin lai
Zungzal Amah he kan um lai.

3. Lam tha zulh awk kha kan ruah cio ah cun
Pakhat le khat kan i daw lai
Pathian he kan nih kan um ti tikah
Lunglawm in kan um zungzal lai.

4. Thihnak tiva tihnungmi pawngah khan
Kan nih kha dir hmanh u sih law
Kan Pathian he cun kan tan ti lai i
A thangthatnak hla kan sa lai.





126
KHAMHNAK HLA

K.H No. 460
Key; G
Beat: CountryPop
Tempo:152

1. A kan Khamh tu a kan dawtnak
Khuaruahharnak ngai ngai a si ko
Van in Lei ah a rung tum kha
Kan nih kha a kan dawt ca a si, a si
Kan nih kha a kan dawt ca a si.

A si, a si kan caah, a si ko kan ca
Kan Bawi a rung tum i zaangfahnak um lo
In Vailamtahnak cungah an thah.

2. A thi chuahnak le a in nak
Thihnak vialte a fak bik a in
Khuazei tal ah an chimh cang maw
Sifah le retheih a huahnak kha, nak kha
Sifah le retheih a huahnak kha.

3. Khi khuatha bik kong ka theih cang
Bawi Khrih a zummi nih an co lai
Sihmanhseh Van khua thar ah khin
Kei umnak tah a remh cang hnga maw, hnga maw
Kei umnak tah a remh cang hnga maw.

4. Bawipa kan halnak run ka ngai
Nangmah hlei in a tha a hodah um
Na thiangthlarau in run ka chim
Van inntha le ka Khamhtu Bawi kong, Bawi kong
Van inntha le ka Khamhtu Bawi kong.


127
PATHIAN NIH THITUMNAK A SER

K.H.No. 468
Key ; Bb
Beat: CountryPop
Tempo: 125

1. Pathian nih hlanpi in thitumnak a ser
A thiangmi innchungkhar si awk ah
Hmaizah le zumh awktlak in an umnak hnga
A thiang nunnak thar an ngeihnak lai.

Thanuam in lawmhpi cio hna u sih
Kan hawi kom dawt thitumnak puai hi
A tu kan lawmhpinak hi vancung phan seh
Vawlei an nunnak a dongh hlan tiang.

2. Jesuh nih Khrihfabu a dawt hna caah
A ca’h a nunnak a pek bangin
Hi nupi thi pa zong nih daw zungzal seh
A thiangmi cawnpiaknak ngai hna seh.

3. Bawipa an nih cu na kut ah kan in chiah
An cungah na thluachuah hmunhter tuah
Ngaihchiat le lunglawmhnak hrawmti zungzal in
An thawnnak nangmah ca hmang hna seh.









128
A KAWLNAK (A bia tlangpi in)
1. A daizan, a thiang zan ………. 65
2. A dawtnak in a ka cuai ………. 41
3. A ka hruai ………. 54
4. A ka tlanh cang caah ………. 81
5. A rawkmi kha hlawm ………. 99
6. A sual mi caah ………. 32
7. A thi chung thawnnak a um ………. 77
8. A tlaumi kawl ………. 70
9. Alfa le Omega ……… 38
10. Amah nih ka sualnak a kalpi ……….110
11. An khamh khawh ………. 55
12. Aw! A va nuam ee ………. 19
13. Bawi Khrih le Khrihfabu caah ……….117
14. Bawipa a tha, Bawipa a lian ………. 40
15. Bawipa aa bochanmi ………. 16
16. Bawipa auhnak ………. 92
17. Bawipa caah ka kal chin lai ………. 43
18. Bawipa cungah i lawm tuah ……….112
19. Bawipa he um ti a nuam ………. 24
20. Bawipa kha zul ko ……….116
21. Bawipa nangmah na min kan dawt ko ………. 46
22. Bawipa sinah lawmhnak ka chimh lai ………. 9
23. Cerhti a um ………. 73
24. Ceunak kha run thlah tuah ……….120
25. Ceunak ram ah him in ……….126
26. Chungkhar dawtnak um tikah ……….118
27. Dongh in ngei lo dawtnak ………. 23
28. Fapa Khrih ah ………. 4
29. Fek tein dir u sih ………. 87
30. Galilee philh lonak ………. 79
31. Hi vawlei kan nun caan ………. 44
32. Holh in ka chim kho lo ………. 75
A KAWLNAK (A bia tlangpi in)

33. I mer than tuah ………. 10
34. Jehovah Jireh ………. 29
35. Jesuh dawtnak ………. 2
36. Jesuh ka lungthin in kan duh ………. 82
37. Jesuh kan hawi tha bik ……….102
38. Jesuh kan lei a tan ahcun ………. 30
39. Jesuh nih keimah hmanh kha a ka dawt ……….114
40. Jesuh sinah na kal cang maw ………. 97
41. Jesuh thi lawngin ………. 90
42. Jesuh tumthan tiang kan tuan lai ………. 91
43. Jordan tiva kamah ……….122
44. Ka ca a sung ………. 35
45. Ka fa dawt na ra cang maw ………. 36
46. Ka hrinthan cang ………. 42
47. Ka thlarau a thuh ………. 59
48. Ka thlarau ngai tuah ………. 47
49. Ka zumhmi ka hngalh ………. 86
50. Kal law tuan ……….115
51. Kan himnak lung Jesuh a si ………. 53
52. Kan ram nih bawipa a herh ………. 12
53. Karmel tlangah teinak ………. 14
54. Khamh hnangamnak na ngei cang maw ………. 25
55. Khamhbawi hruainak kip ah ………. 58
56. Khamhbawi sinah ra tuah ………. 95
57. Khamhnak ………. 68
58. Khamhnak hla ……….127
59. Khawmhnak thawngtha ………. 7
60. Khrih ti lo cu ………. 11
61. Khrihfah ralkap kal u ………. 85
62. Khuakhangtu Bawi ………. 8
63. Khuaruahhar dawtnak ………. 61
64. Khuaruahhar dawtnak ka chungah ………. 5
A KAWLNAK (A bia tlangpi in)

65. Lawmh dinhnak hmun ………. 1
66. Lawmhnak thlam ka lung chungah ……….111
67. Lianngannak ka hmuh cang ………. 6
68. Lung te cu auh hlah seh ………. 21
69. Lung tlintertu Khrih ……….106
70. Maw thongtampi nih hla an sa ………. 80
71. Mi thluahchuah kan si ………. 39
72. Min an auh tikah ………. 83
73. Min sung ………. 69
74. Miphun thangchonak ………. 28
75. Mizengmi hna an kal ………. 37
76. Na bia chungah kaa nuam ………. 20
77. Na rian nunh than Bawipa ………. 67
78. Naih chin ……….113
79. Nan aw ngeih vialte thangthat u ………. 51
80. Nan sinah Pathian um ko seh ………. 50
81. Nang caah umnak hmun a um ………. 64
82. Nem tein an auh ………. 94
83. Ngaihmanh Pathian dawtnak ………. 60
84. Ni bang a ceumi khua ……….124
85. Ni sarih chung him tein ………. 88
86. Nunnak rawl ka pe tuah ………. 89
87. Pathian biakam cungah ka dir ……….105
88. Pathian cu thangthat si ko seh ………. 46
89. Pathian dawtnak sung ………. 22
90. Pathian he um ………. 57
91. Pathian kut chungah ka um ………. 56
92. Pathian nih thitumnak a ser ……….128
93. Pathian pennak a nai cang ………. 84
94. Peter thanghtertu Ar ………. 26
95. Phen tu lungpi ………. 18
96. Ra, a zummi vialte ………. 62
A KAWLNAK (A bia tlangpi in)

97. Ram kip ah kal u ……….121
98. Ruah channak lungpi ……….104
99. Ruahchannak tha bik Jesuh kei ca ……….109
100. Sui Khuapi ……….125
101. Thi sung ………. 76
102. Thiannak thisen ………. 78
103. Thisen sung ………. 17
104. Thisen thangthatnak hla ………. 15
105. Thlacammi vialte ……….119
106. Thlarau Ar a khuang ………. 33
107. Thluachuah van ni tlung law ………. 45
108. Tling tein ka zumh ……….107
109. Vailam pawngah ………. 72
110. Vailamtah cung ………. 34
111. Vailamtah van lam a si ……….108
112. Van le lei sertu Pathian ………. 13
113. Vancung ah kan tlun tikah ……….123
114. Vancung member kan si ………. 3
115. Vanmi hla an sa ………. 66
116. Vawlei lawmh tuah ………. 63
117. Zaangfahnak hri tlai in ………. 59
118. Zaangfahnak tha chin bia ………. 71
119. Zeidah ka ei lai ………. 27
120. Zeitluk in dah na lianngan ko ………. 52
121. Zion khua ah kan kal cio lai ……….100
122. Zoh tuah, nan nun lai ………. 74
123. Zul tuah ……….101
124. Zum ko tuah u ………. 96
125. Zum tuah nan nung lai ………. 98
126. Zumtu mi nih kan cuan ………. 31
127. Zungzal nang mah kan herh ……….103
128. Zungzal rian tuan ko ………. 93
LUNGLAWMHNAK
Pathian lam hruainak thawngin Kyarinn Christian Fellowship nih a voi(2)nak “Pathian thangthatnak hla cauk” kan chuah khawh caah Pathian min cu thangthat si ko seh!
Hla cauk chuah khawhnak caah tuanvo an ka lak piaktu KCF hla Committee hna cungah siseh, KCF Upa dihlak cungah le KCF member nan dihlak cungah lunglawmhnak tampi kan ngei.
Hla cauk chuahnak kongah a tlamtlinh lonak a tampi mi cungah Khrih min in ngaihthiam kan i hal hna. Hi hla cauk te cu Pathian a sunparnak a langh chin khawhnak caah si hram ko seh.



Hla Committee
Kyarinn Christian Fellowship
Kuala Lumpur,Malaysia.





HLA COMMITTEE
Vaal Cung Tin Thang
Pu T. Lian Zung
Pu Mang Tin
Vaal Tun Kyaw
Vaal San Maung









Kyarinn Christian Fellowship